Samalot nacyjanalnaj avijakampanii «Biełavija», jaki lacieŭ 24 śniežnia pa maršrucie Tbilisi — Minsk, ažyćciaviŭ niezapłanavanuju pasadku ŭ kijeŭskim mižnarodnym aeraporcie Baryspal.
Jak paviedamiła śpiecyjalist pa suviaziach z hramadskaściu «Biełavija» Iryna Baranava, pryčynaj stała nieabchodnaść akazać ekstrannuju miedycynskuju dapamohu adnoj z pasažyrak — hramadziancy Hruzii, jakaja adčuła niedamahańnie. Bortpravadniki i ŭrač, jaki znachodziŭsia siarod pasažyraŭ, akazali joj pieršuju dapamohu, a taksama dali kisłarodny bałon. Niahledziačy na hetyja dziejańni, pasažyrka straciła prytomnaść, i tady kamandzir ekipaža vyrašyŭ pasadzić pavietranaje sudna ŭ aeraporcie pa maršrucie ruchu, kab žančynie akazali kvalifikavanuju mieddapamohu.
Samalot pryziamliŭsia ŭ kijeŭskim aeraporcie ŭ 5.15 pa minskim časie, dzie jaho ŭžo čakała bryhada chutkaj miedycynskaj dapamohi, zahadzia papiaredžanaja ab situacyi. Daktary akazali dapamohu pasažyrcy niepasredna ŭ aeraporcie, paśla čaho jana vylecieła z Kijeva ŭ Minsk rejsam «Biełavija» ŭ 10.25.
Samalot, jaki lacieŭ pa maršrucie Tbilisi — Minsk z 39 pasažyrami na borcie, pryziamliŭsia ŭ kancavym punkcie prykładna ŭ 7.20, zatrymka skłała pryblizna 80 chvilin.
-
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
-
Stała viadomaja pryčyna niadaŭniaha pažaru ŭ centry Minska
-
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary