Pradstaŭnik RF: Rasija zdaść paŭnamoctvy, kali PARIE prahałasuje za jaje vyklučeńnie
Rasijskaja delehacyja ŭ PARIE zdaść svaje paŭnamoctvy ŭ vypadku, kali budzie pryniata rašeńnie ab hałasavańni za vyklučeńnie RF, zajaviŭ kiraŭnik rasijskaj delehacyi ŭ PARIE, kiraŭnik kamiteta Dziarždumy pa mižnarodnych spravach Alaksiej Puškoŭ.
«Viadoma, my razhladajem heta jak całkam mahčymy varyjant (što budzie pryniata rašeńnie ab vyklučeńni), u hetym sensie my hatovyja. I nie čakajučy vynikaŭ hałasavańnia (u vypadku, kali buduć hałasavać za naša vyklučeńnie), my zdajem našyja paŭnamoctvy sami … i sychodzim z parłamienckaj Asamblei jak minimum da kanca hetaha hoda», — skazaŭ jon u intervju telekanału» Rasija 24».
Siesija Parłamienckaj asamblei Rady Jeŭropy (PARIE) adkryłasia ŭ paniadziełak u Strasburhu z abmierkavańnia paŭnamoctvaŭ Rasii ŭ arhanizacyi ŭ suviazi z padziejami na Ukrainie. Manitorynhavy kamitet asamblei rychtuje adpaviednuju rezalucyju, pa jakoj deputaty prahałasujuć ŭ čaćvier.
Napiaredadni adkryćcia siesii ŭ PARIE byli ŭniesieny dźvie prapanovy, jakija tyčacca paŭnamoctvaŭ rasijskaj delehacyi. Inicyjatyva brytanskaha parłamientaryja Robierta Ŭołtara prapanuje pierahledzieć da kanca hetaha hoda paŭnamoctvy delehacyi. Inicyjatyva ž dackaha parłamientaryja Majkła Aastruba Jensen prapanuje pazbavić delehacyju RF na hetaj siesii prava hołasu. Prapanovy ŭžo pieradadzienyja ŭ manitorynhavy kamitet.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii12
Kamientary