Prafsajuzy i arhanizacyi pracadaŭcaŭ Francyi zaklučyli pahadnieńnie, jakoje zabaraniaje pracadaŭcam turbavać svaich supracoŭnikaŭ paśla zakančeńnia pracoŭnaha dnia, pieradajuć infarmahienctvy.
Z hetaha času rabotniki kampanij mohuć nie adkazvać na dziełavyja telefanavańni abo elektronnyja paviedamleńni pa-za pracoŭnym časam (da 9.00 i paśla 18.00). Bolš za toje rabotnikam rekamiendavana vyklučać rabočyja smartfony paśla sychodu z ofisa i nie adčyniać elektronnuju poštu. U vyniku bolš za miljon hramadzian Francyi, jakija pracujuć u kansałtynhu i inšych śfierach, naŭprost źviazanych sa zvankami i pierapiskaj, ciapier pazbaviacca «ličbavaha» pracoŭnaha času.
Zhodna z zakanadaŭstvam, u Francyi pracoŭny tydzień abmiežavany 35 hadzinami. Adnak za košt smartfonaŭ i inšych mabilnych pryład pracadaŭcy niaredka sprabujuć vyrašyć pracoŭnyja pytańni sa svaimi supracoŭnikami ŭ viačerni čas abo ŭ ranišni — da pačatku pracoŭnaha dnia. U vyniku praciahłaść pracoŭnaha tydnia nabližajecca da 40 hadzin.
Francyja viadomaja strohim zachavańniem pracoŭnaha zakanadaŭstva, dzie z 21.00 da 6.00 praca zabaroniena. Raniej kampanija Apple užo była aštrafavanaja za toje, što prymušała pracavać svaich supracoŭnikaŭ pa načach.
Padobnyja miery ŭkaraniajuć bujnyja kampanii i ŭ inšych krainach. Naprykład, niamiecki kancern Volkswagen naładziŭ svaje paštovyja sierviery takim čynam, što supracoŭniki nie mohuć atrymlivać dziełavuju elektronnuju poštu, kali da kanca ich pracoŭnaha dnia zastałosia 30 chvilin.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca13
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary