Biełaruś hatova da naroščvańnia inviestycyjnaha supracoŭnictva z Kitajem.
Ab hetym zajaviŭ siońnia Alaksandr Łukašenka, prymajučy davierčyja hramaty ŭ Nadzvyčajnaha i Paŭnamocnaha Pasła KNR Cuj Cymina.
«Chaču padkreślić, što asablivyja nadziei my ŭskładajem na dalejšuju aktyvizacyju raboty z KNR. Supracoŭnictva pamiž našymi krainami nabyło charaktar usiebakovaha stratehičnaha partniorstva. Jano vyznačajecca aktyŭnym palityčnym dyjałoham na vyšejšym i vysokim uzroŭniach», - skazaŭ Alaksandr Łukašenka.
«My cenim toje, što zaŭsiody možam raźličvać na padtrymku Vialikaha Kitaja litaralna va ŭsich śfierach.
Nas užo źviazvajuć dziasiatki bujnych inviestycyjnych prajektaŭ, i my hatovy da dynamičnaha naroščvańnia ŭzajemadziejańnia», - padkreśliŭ kiraŭnik dziaržavy.
Alaksandr Łukašenka paprasiŭ kitajskaha pasła pieradać staršyni KNR Si Czińpinu samyja ciopłyja pažadańni. «Dumaju, što my ŭ bližejšy čas zmožam pabačycca ź im i abmierkavać koła pytańniaŭ, jakija nas cikaviać. Ja vam vielmi ŭdziačny za padtrymku našaj krainy», — skazaŭ Łukašenka.
Davierčyja hramaty Alaksandru Łukašenku taksama ŭručyŭ Nadzvyčajny i Paŭnamocny Pasoł Karaleŭstva Kambodža Vana Tchaj. Kiraŭnik dziaržavy padkreśliŭ, što Biełaruś vystupaje za ŭsiamiernaje raźvićcio adnosin z hetaj krainaj. «Naša dziełavoje ŭzajemadziejańnie tolki nabiraje abaroty, ale my bačym dobryja pierśpiektyvy. Pierakanany, što adkrytaja ŭ hetym hodzie sumiesnaja vytvorčaść biełaruskich traktaroŭ u hetaj krainie stanie pieršaj łastaŭkaj u pahłybleńni ŭzajemavyhadnych suviaziej», - adznačyŭ biełaruski lidar. «Dumaju, što ŭ bližejšy čas my ŭžo na vašaj ziamli sustreniemsia i z vašym kiraŭnictvam», - skazaŭ Łukašenka, źviartajučysia da dypłamata.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie28
Kamientary