Беларусь гатова да нарошчвання інвестыцыйнага супрацоўніцтва з Кітаем.
Аб гэтым заявіў сёння Аляксандр Лукашэнка, прымаючы даверчыя граматы ў Надзвычайнага і Паўнамоцнага Пасла КНР Цуй Цыміна.
«Хачу падкрэсліць, што асаблівыя надзеі мы ўскладаем на далейшую актывізацыю работы з КНР. Супрацоўніцтва паміж нашымі краінамі набыло характар усебаковага стратэгічнага партнёрства. Яно вызначаецца актыўным палітычным дыялогам на вышэйшым і высокім узроўнях», - сказаў Аляксандр Лукашэнка.
«Мы цэнім тое, што заўсёды можам разлічваць на падтрымку Вялікага Кітая літаральна ва ўсіх сферах.
Нас ужо звязваюць дзясяткі буйных інвестыцыйных праектаў, і мы гатовы да дынамічнага нарошчвання ўзаемадзеяння», - падкрэсліў кіраўнік дзяржавы.
Аляксандр Лукашэнка папрасіў кітайскага пасла перадаць старшыні КНР Сі Цзіньпіну самыя цёплыя пажаданні. «Думаю, што мы ў бліжэйшы час зможам пабачыцца з ім і абмеркаваць кола пытанняў, якія нас цікавяць. Я вам вельмі ўдзячны за падтрымку нашай краіны», — сказаў Лукашэнка.
Даверчыя граматы Аляксандру Лукашэнку таксама ўручыў Надзвычайны і Паўнамоцны Пасол Каралеўства Камбоджа Вана Тхай. Кіраўнік дзяржавы падкрэсліў, што Беларусь выступае за ўсямернае развіццё адносін з гэтай краінай. «Наша дзелавое ўзаемадзеянне толькі набірае абароты, але мы бачым добрыя перспектывы. Перакананы, што адкрытая ў гэтым годзе сумесная вытворчасць беларускіх трактароў у гэтай краіне стане першай ластаўкай у паглыбленні ўзаемавыгадных сувязей», - адзначыў беларускі лідар. «Думаю, што ў бліжэйшы час мы ўжо на вашай зямлі сустрэнемся і з вашым кіраўніцтвам», - сказаў Лукашэнка, звяртаючыся да дыпламата.
Каментары