Paryž, Bierlin, Łondan, Rym i Vašynhton damovilisia nakont novych sankcyj suprać Rasii
U paniadziełak, 28 lipienia, adbylisia piacibakovyja pieramovy prezidentaŭ ZŠA, Francyi, a taksama kiraŭnikoŭ uradaŭ Hiermanii, Vialikabrytanii i Italii. Tematykaj ich razmovy stała ŭzmacnieńnie cisku na Rasiju.
Lidary ZŠA i viadučych dziaržaŭ Jeŭrasajuza dasiahnuli zhody adnosna nieabchodnaści ŭkaranieńnia novych sankcyj, paviedamlajecca ŭ kamiunikie Jelisiejskaha pałaca, raspaŭsiudžanaha pa vynikach pieramovaŭ.
Jak viadoma, da hetaha času ŭviadzieńniu novaha etapu sankcyj pieraškadžała adsutnaść kansensusu viadučych palityčnych lidaraŭ.
«Možna z škadavańniem kanstatavać, niahledziačy na nieadnarazovyja zakliki na adras prezidenta RF Uładzimira Pucina, Rasija nie sprabuje paŭpłyvać na sieparatystaŭ z metaj prymusić ich da pieramovaŭ. Taksama Rasija nie ažyćciaŭlaje realnych krokaŭ dla ŭstanaŭleńnia kantrolu nad miažoj z Ukrainaj», - havorycca ŭ zajavie lidaraŭ 5 krain.
«Piać lidaraŭ dziaržaŭ i ŭradaŭ paćvierdzili, što ŭ hetych umovach jany majuć namier źviarnucca da novych abmiežavańniaŭ (sankcyj) u dačynieńni da Rasii», - padkreślivaje pres-słužba Jelisiejskaha pałaca.
Jak viadoma, pracoŭny prajekt rašeńnia ab pieršym etapie siektaralnych sankcyj pavinien być zaćvierdžany ŭ aŭtorak, 29 lipienia. Hetyja abmiežavańni ŭpieršyniu kranuć nie asobnych ludziej abo pradpryjemstvy, a cełyja haliny ekanomiki RF.
Krynicy paviedamlajuć, što efiekt ad siektaralnych sankcyj moža dasiahnuć 100 młrd jeŭra za dva hady.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje sabie ŭ vyrazach u sacsietkach8
Kamientary