Na zaklik padtrymać «zialonuju» ideju ŭžo adhuknulisia šerah biełaruskich kamandaŭ – pieramožcy apošniaha «Basovišča» – hurt «Flaŭs i Klajn», mahiloŭskija Tav.Mauzer i Zatoczka.
U Biełarusi na travień planujecca praviadzieńnie maštabnaha rok‑festyvalu pad umoŭnaj nazvaj «Za čyściniu!».
«Travień — zialony miesiac, kali ŭsio kvitnieje. I jakraz u hetkuju kvitniejučuju viasnu ŭ čałavieka najmienš dumak, kab štości źniščać… Chočacca naadvarot zachoŭvać takuju kviecień va ŭsich sensach jak maha daŭžej», — kaža Vital Broŭka.
Ź jaho słovaŭ, šerah hurtoŭ vykazalisia ŭ padtrymku hetaj idei. Naprykład, navapołacki «Flaŭs i Klajn», mahiloŭskija Tav.Mauzer i Zatoczka, šmat vykanaŭcaŭ, małaviadomych šyrokamu słuchaču.
«U nas u pracesie abmierkavańnia źjaviłasia ideja zrabić fest nia razavaj imprezaj, a jašče vydać admysłovyja «zialonyja« składanki, zrabić tur pa roznych haradach, kab heta tema hučała ciaham davoli vialikaha času, kab maksymalnaja kolkaść udzielnikaŭ — była da hetaha pryciahnutaja».
Cikava, što ideja praviadzieńnia hetkaha festu była ŭchvalena stvoranaj zaŭčora ŭ Kijevie Kaardynacyjnaj radaj Antyjadziernaj kampanii. Inicyjataram kampanii vystupiła jakraz biełaruskaja arhanizacyja «Ekadom». Meta inicyjatyvy — nie dapuścić budaŭnictva ŭ Biełarusi atamnaj elektrastancyi.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach21
Kamientary