Uzajemadziejańnie Biełarusi i Kalininhradskaj vobłaści adroźnivajecca vysokaj intensiŭnaściu na ŭsich uzroŭniach i va ŭsich śfierach.
Na heta źviarnuŭ uvahu Alaksandr Łukašenka na sustrečy z hubiernataram Kalininhradskaj vobłaści Rasii Mikałajem Cukanavym.
Pavodle słoŭ Łukašenki, pačynajučy z 2010 hoda dvuchbakovy tavaraabarot stabilna raście, dasiahnuŭšy amal $300 młn u 2013 hodzie. «Ale byli časy, kali my dasiahali tavaraabarotu ŭ $0,5 młrd. Ja miarkuju, my majem prava pastavić pierad saboj zadaču vyjści na toj vysoki ŭzrovień, jaki ŭ nas užo byŭ, značyć, my ŭmiejem pracavać na hetuju ličbu i hety ŭzrovień tavaraabarotu. Na moj pohlad, nieabchodna zrabić usio mahčymaje dla hetaha», — skazaŭ Łukašenka.
«U niekatorych našych vorahaŭ, u tym liku ŭ Rasii, i ŭ Biełarusi ich chapaje, iduć razmovy pra toje, što Łukašenka choča ledź nie Kalininhradskuju vobłaść dałučyć da Biełarusi. Paviercie, u mianie takich płanaŭ niama.
Ale skłałasia dobraja praktyka jašče ŭ časy Savieckaha Sajuza, Biełaruś zaŭsiody padstaŭlała plačo Kalininhradskaj vobłaści, my nikoli jaje čužoj nie ličyli.
A ŭ jakim składzie, u jakoj dziaržavie budzie Kalininhradskaja vobłaść pry takich padychodach, napeŭna, nie hetak važna», — adznačyŭ kiraŭnik dziaržavy.
Hubiernatar Kalininhradskaj vobłaści Mikałaj Cukanaŭ taksama padkreśliŭ, što pavieličeńnie tavaraabarotu da $0,5 młrd źjaŭlajecca całkam dasiahalnym pakazčykam.
«Davajcie pastavim takuju zadaču», — skazaŭ jon.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary