Siutkin padaje ŭ sud na Lurkmore za internet-miem ź jaho vyjavaj
Raskomnahlad padaŭ pazoŭ u sud suprać administracyi internet-encykłapiedyi Lurkmore, paviedamlajuć rasijskija ŚMI.
Sprava ŭ tym, što na sajcie Lurkmore ŭžo niekalki hadoŭ fota śpievaka Valeryja Siutkina vykarystoŭvajecca ŭ jakaści ilustracyi miema BBPIE — «Bi babu pa… (tvary)».
Pazoŭnik patrabuje, kab sud pryznaŭ hetuju infarmacyju zabaronienaj da raspaŭsiudžvańnia ŭ Rasii. Kali heta adbudziecca, to miem uklučać u čorny śpis.
Sam ža śpiavak, pavodle jaho słoŭ, maje namier padać jašče adzin pazoŭ ad siabie asabista, kab abaranić svaje honar i hodnaść. Artyst ličyć, što jaho piersanalnyja dadzienyja (fatahrafija) vykarystoŭvajucca ŭ niepavažlivym kantekście na hetym sajcie.
Valeryj Siutkin adznačyŭ, što kali jon vyjhraje praces, to ŭsie hrošy achviaruje na dabračynnaść.
Stvaralniki skandalnaha artykuła na partale Lurkmore, da jakoha ŭ Siutkina ŭźnikli pretenzii, sprabavali raspavieści ŭ materyjale ab uźniknieńni miema BBPIE. Pry hetym niezrazumieła, čamu mienavita fota Siutkina było abrana dla miema. Adznačajecca, što jaho intelihientny i žyćciaradasny vyhlad, całkam procilehły sensu łozunhu, pavinien byŭ stvaryć kamičny efiekt i vyklikać śmiech u čytačoŭ.
Kamientary