54-hadovy słavacki trenier Lubamir Pokavič praciahnuŭ kantrakt z chakiejnym kłubam «Dynama» (Minsk).
«Siońnia [u paniadziełak] adbyłasia sustreča staršyni naziralnaj rady Ihara Šunieviča i Lubamira Pokaviča, padčas jakoj było pryniataje rašeńnie, što ŭ siezonie-2015/16 słavacki śpiecyjalist praciahnie pracu hałoŭnym trenieram», — havorycca ŭ apublikavanym 23 sakavika paviedamleńni pres-słužby kłuba.
Najbližejšym časam Šunievič, jaki ŭznačalvaje Ministerstva ŭnutranych spraŭ, «praviadzie naradu ŭ pašyranym składzie z kiraŭnictvam kłuba i trenierskim štabam, na jakoj buduć vyznačanyja zadačy na nastupny siezon».
U siezonie-2014/2015 «Dynama» pad kiraŭnictvam Pokaviča vyjšła ŭ płej-of Kantynientalnaj chakiejnaj lihi, upieršyniu nabraŭšy 100 ačkoŭ (u 60 matčach) i zaniaŭšy piataje miesca ŭ Zachodniaj kanfierencyi. U pieršym raŭndzie płej-of «Dynama» prajhrała finskamu «Jokierytu» (1:4).
Słavak uznačaliŭ «Dynama» 23 listapada 2013 hoda, zaniaŭšy miesca biełaruskaha treniera Alaksandra Andryjeŭskaha
Kamientary