Na sintetyčnym palivie zaviałasia i prajechała zvyčajnaja Audi A8.
Daśledčaja łabaratoryja Audi ŭ Drezdenie i startap Sunfire pradstavili pieršuju partyju dyzielnaha paliva E-Diesel, zroblenaha z vady i vuhlakisłaha hazu.
Ekałahična čystaje amal na 100% paliva možna ŭžyvać u sieryjnych aŭto. Čakajecca, što rynkavaja cana takoha paliva składzie 1-1,5 jeŭra za litr.
Na prezientacyi «je-dyzielem» zapravili sieryjnuju Audi A8, słužbovuju mašynu fiederalnaha ministra adukacyi Jochana Vanka.
Vyrab paliva pačynajecca sa zdabyčy elektraenierhii z adnaŭlalnych krynic (naprykład, soniečnych batarej). Praz elektroliz z dapamohaj «čystaj» elektryčnaści z vady zdabyvajecca vadarod, jaki zatym źmiašajuć z uharnym hazam, utvoranym z vuhlakisłaha praz admysłovyja chimičnyja pracesy. U vyniku źmiešvańnia atrymlivajecca tak zvanaja «błakitnaja nafta» — vadkaść z doŭhałancužnych vuhlavadarodaŭ, što jość asnovaj «je-dyziela».
U bližejšyja miesiacy ekśpierymientalny zavod u Drezdenie budzie vypuskać tolki 160 litraŭ takoha paliva na dzień.
Stvaralniki «je-dyziela» hatovyja da kamiercyjnaj vytvorčaści paliva i čakajuć zamoŭ na vypusk vialikich partyj.
Jak kažuć stvaralniki paliva, «je-dyziel» lepšy za luby bienzin, zrobleny z vykapniovych składnikaŭ, bo nie ŭtrymlivaje siery i alivaŭ, što robić jaho bolš biaśpiečnym dla asiarodździa. Da taho ž, ź im ruchavik pracuje cišej, kažuć u Sunfire.
Ciapier čytajuć
U Sibiry zaharełasia i abrynułasia buravaja vyška «Biełarusnafty»2
U Sibiry zaharełasia i abrynułasia buravaja vyška «Biełarusnafty»
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1111
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu11
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary