На сінтэтычным паліве завялася і праехала звычайная Audi A8.
Даследчая лабараторыя Audi ў Дрэздэне і стартап Sunfire прадставілі першую партыю дызельнага паліва E-Diesel, зробленага з вады і вуглякіслага газу.
Экалагічна чыстае амаль на 100% паліва можна ўжываць у серыйных аўто. Чакаецца, што рынкавая цана такога паліва складзе 1-1,5 еўра за літр.
На прэзентацыі «е-дызелем» заправілі серыйную Audi A8, службовую машыну федэральнага міністра адукацыі Ёхана Ванка.
Выраб паліва пачынаецца са здабычы электраэнергіі з аднаўляльных крыніц (напрыклад, сонечных батарэй). Праз электроліз з дапамогай «чыстай» электрычнасці з вады здабываецца вадарод, які затым змяшаюць з угарным газам, утвораным з вуглякіслага праз адмысловыя хімічныя працэсы. У выніку змешвання атрымліваецца так званая «блакітная нафта» — вадкасць з доўгаланцужных вуглявадародаў, што ёсць асновай «е-дызеля».
У бліжэйшыя месяцы эксперыментальны завод у Дрэздэне будзе выпускаць толькі 160 літраў такога паліва на дзень.
Стваральнікі «е-дызеля» гатовыя да камерцыйнай вытворчасці паліва і чакаюць замоў на выпуск вялікіх партый.
Як кажуць стваральнікі паліва, «е-дызель» лепшы за любы бензін, зроблены з выкапнёвых складнікаў, бо не ўтрымлівае серы і аліваў, што робіць яго больш бяспечным для асяроддзя. Да таго ж, з ім рухавік працуе цішэй, кажуць у Sunfire.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская2
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары