Jeŭrasajuz rychtujecca da nadzvyčajnaha stanovišča ŭ vypadku defołtu Hrecyi
Termin «nadzvyčajnaje stanovišča» siońnia ŭpieršyniu ŭžyŭ jeŭrakamisar ad Niamieččyny. Hiunter Etynhier zajaviŭ: «Treba vypracavać płan nadzvyčajnych zachadaŭ, bo Hrecyja apyniecca ŭ nadzvyčajnym stanoviščy. Pryjdziecca zabiaśpiečyć pastaŭki enierharesursaŭ, vypłatu zarobkaŭ palicyi, pastaŭki miedycynskich tavaraŭ dy farmaceŭtyčnych praduktaŭ i hetak dalej».
Apošniaja sproba pieramovaŭ miž Hrecyjaj i jaje mižnarodnymi kredytorami pravaliłasia ŭ niadzielu, paviedamlaje infarmacyjnaje ahienctva Rojterz. Jeŭropa pahružajecca ŭ poŭnuju niajasnaść.
Ci aznačaje heta, što Hrecyja vymušana budzie abviaścić defołt pa svaich pazykach? Ci ŭsio ž valavym rašeńniem Mierkiel i Aland, Drahi i Junkier čarhovy kitajski raz znojduć hrošy na praciah bailout-u Afinaŭ, jakija pahłynuli ŭžo 240 miljardaŭ (!) jeŭra? A moža finansavać Afiny pačnuć Maskva ci Piekin?
Kali defołt, to ci aznačaje heta aŭtamatyčny vychad Hrecyi z zony jeŭra? Kali vychad, to što budzie z valutaj? Jana budzie padać ci raści?
Złučanyja Štaty Amieryki zaklikali jeŭrapiejcaŭ znajści kampramis. Jeŭrapiejcy nie znajšli. Asabliva niemcaŭ i skandynavaŭ aburała, što lavacki ŭrad Hrecyi sprabuje vadzić ich za nos, jak raniej vadzili ŭrady hrečaskich sacyjalistaŭ i kansiervataraŭ.
Mahčyma, małaja Hrecyja padviała śviet da parohu vialikaha ekanamičnaha kataklizmu.
Kaciroŭki hrečaskich kampanij, asabliva bankaŭ, u paniadziełak iznoŭ upali.
Kamientary