Ukrainskaja nacyjanalistyčnaja partyja «Pravy siektar» nie budzie ŭdzielničać u vybarach u miascovyja rady, zajaviŭ jaje lidar Dźmitryj Jaraš pa vynikach źjezda ŭ Kijevie.
Na minułym tydni Viarchoŭnaja rada prahałasavała za pastanovu ab pryznačeńni čarhovych miascovych vybaraŭ na 25 kastryčnika.
«Pravy siektar» taksama vyrašyŭ inicyjavać refierendum pa pytańni ab niedaviery «ŭsim halinam ułady».
Paśla źjezdu na Majdanie Niezaležnaści u Kijevie pačałosia vieča, na jakoje pryjšli niekalki tysiač prychilnikaŭ pravych.
Admova «Pravaha siektara» ad radykalnych dziejańniaŭ suprać dziejnaj ułady i inicyjatyvu adnosna praviadzieńnia refierendumu Jaraš nazvaŭ novym etapam ukrainskaj revalucyi.
Anansavany łozunh vieča, arhanizavanaha «Pravym siektaram», hučaŭ «Dałoŭ ŭładu zdradnikaŭ!», A zaprašeńnie na aficyjnym sajcie arhanizacyi nazyvała dziejučuju ŭładu «antynarodnym režymam», jaki straciŭ lehitymnaść.
Na samim vieča rytoryka pradstaŭnikoŭ «Pravaha siektara» była nie takoj radykalnaj.
«My viedajem, što ad nas čakali ledź nie padpału Viarchoŭnaj rady, šturmaŭ administracyjnych budynkaŭ … Ale my - nie raby, jakija viaducca na pucinskija prynady. My —suprać destabilizacyi», - zajaviŭ pierad pačatkam mitynhu Dźmitryj Jaraš.
Kamientary