Padatkovaja adsočvaje, kolki pasyłak atrymlivajuć biełarusy z zamiežnych interniet-kramaŭ
Zamiežnyja pasyłki mohuć stać pryčynaj dla pravierki krynic dachodaŭ, zajaviła pieršy namieśnik načalnika inśpiekcyi Ministerstva pa padatkach i zborach pa horadzie Minsku Nadzieja Bołdyrava padčas anłajn-kanfierencyi na sajcie ahienctva Minsk-Naviny.
«Pamiž padatkovymi orhanami i RUP «Biełpošta» naładžana ŭzajemadziejańnie. Ukazanaja arhanizacyja daje nam infarmacyju ab hrašovych pieravodach i, pry nieabchodnaści, ab atrymanych pasyłkach kankretnaj fizičnaj asobaj, — skazała Nadzieja Bołdyrava, Adkazvajučy na pytańnie finance.tut.by. — U padatkovych orhanach isnuje adzinaja baza, u jakuju pastupaje ŭsia infarmacyja ŭ dačynieńni da fizičnaj asoby. U vypadku, kali pry praviercy budzie ŭstanoŭlena, što asoba nabyvała peŭnyja tavary, ale pry hetym nie mieła aficyjnych krynic dachodu, padatkovyja orhany mohuć pacikavicca dachodami i ŭ vypadku nieabchodnaści pradjavić padatak da vypłaty».
Nahadajem, raniej ułady ahučvali žadańnie ŭvieści zbor ź viadomych zamiežnych internet-mahazinaŭ. U pryvatnaści, jaho prapanoŭvali brać u momant apłaty pakupak pa kartcy, adnak banki zajavili, što techničnaj mahčymaści zrabić heta niemahčyma. U Minhandlu niadaŭna paviedamili, što «kazać pra terminy ŭviadzieńnia padatku na pakupki ŭ zamiežnych internet-kramach pakul rana».
«U ciapierašni čas, nakolki mnie viadoma, viedamstva, u jakim ja pracuju, nie ŭnosili prapanovu ŭ uviadzieńni takoha padatku, - paćvierdziła Nadzieja Bołdyrava. - Razam tym, z ulikam taho, što padatki ŭ luboj dziaržavie vykonvajuć u liku inšaha rehulujučuju rolu, a ŭ ekanomicy nazirajecca pierakos u bok handlu praź internet, taki padatak moža być uviedzieny. Ź inicyjatyvaj jaho ŭviadzieńnia moža vystupać Ministerstva finansaŭ abo inšy Upaŭnavažany orhan».
Kamientary