Siarhiej Navumčyk choča pryjechać u Biełaruś paśla 19 hadoŭ u emihracyi
Siarhiej Navumčyk, fota z facebook.com.
U minułym deputat Viarchoŭnaha Savieta, žurnalist radyjo «Svaboda» Siarhiej Navumčyk napisaŭ u fejsbuku, što razhladaje mahčymaść pryjezdu ŭ Biełaruś na prezentacyju novaj ułasnaj knihi «Dzievianosta piaty».
«Ja vyrašyŭ ryzyknuć i źbiraŭsia pryjechać (jość ludzi, jakija mohuć heta paćvierdzić). Źbiraŭsia, chacia heta źviazana z cełym kompleksam prablem, jakija nie zaležać ad mianie, i da taho ž niekatoryja blizkija (najpierš maci) byli rezka suprać hetaha», — piša Siarhiej Navumčyk.
Adnak jon sutyknuŭsia ź biurakratyčnymi pieraškodami, kab pamianiać za miažoj praterminavany pašpart hramadzianina Biełarusi patrebny vielmi vialiki śpis daviedak, a termin vydačy až da čatyroch miesiacaŭ.
U kamientarach spadaru Navumčyku prapanavali jechać u Biełaruś z praterminavanym pašpartam. Maŭlaŭ, pamiežniki ŭ lubym vypadku abaviazanyja puścić hramadzianina Biełarusi ŭ Biełaruś. Tak, naprykład, viartaŭsia ŭ Biełaruś z Narviehii vydatny paet Słavamir Adamovič.
«Kaniečnie, pamiežniki pavinny ŭpuścić z praterminavanym pašpartam. Kali pašpart, naprykład, zhubleny, to konsulstvam vydajecca daviedka na viartańnie», — napisaŭ były supracoŭnik biełaruskaha MZS Valer Kavaleŭski.
U pres-słužbie Pamiežnaha kamiteta «NN» paviedamili, što jany prapuskajuć hramadzian Biełarusi z praterminavanymi pašpartami na terytoryju krainy. Adnak takoha čałavieka moža čakać administracyjnaje pakarańnie ŭ vyhladzie papiaredžańnia ci štrafa.
Siarhiej Navumčyk razam ź Zianonam Paźniakom z pryčyny biaśpieki vyjechali ź Biełarusi ŭ 1996 hodzie. U žniŭnia 1996-ha jany atrymali palityčny prytułak u ZŠA. Paśla hetaha ni Navumčyk, ni Paźniak Biełaruś bolš nie naviedvali.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary