Prezident Ukrainy prybyŭ u Kazachstan z aficyjnym vizitam viečaram 8 kastryčnika. Siońnia jon sustreŭsia z kiraŭnikom Kazachstana Nursułtanam Nazarbajevym.
Parašenka padziakavaŭ Kazachstanu za prychilnaść da fundamientalnych pryncypaŭ mižnarodnaha prava, paviedamlaje Tengrinews.kz.
Piatro Parašenka adznačyŭ, što 8 kastryčnika ŭ Tarazie adbyłosia śviatkavańnie 550-hodździa Kazachskaha chanstva, i simvalična, što mierapryjemstva supała z aficyjnym vizitam ŭkrainskaha lidara.
«Niahledziačy na toje, što my pavinny byli razmaŭlać z vami 40 chvilin, my ŭ dva razy pieravysili termin razmovy tet-a-tet. My mieli mahčymaść detalova abmierkavać uvieś śpiektr napramkaŭ supracoŭnictva pamiž našymi krainami. Pierš za ŭsio ŭdziačny za namier raźvivać palityčny dyjałoh na asnovie davieru, uzajemnaj pavahi, jakoje prysutničaje i pamiž liderami krain», — zaŭvažyŭ Parašenka na pašyranym pasiadžeńni ŭ Akordzie.
Padčas dvuchbakovaj sustrečy, jakaja prajšła biez udziełu presy, byli abmierkavany šlachi ŭmacavańnia supracoŭnictva ŭ handlova-ekanamičnaj śfiery, vuhalnaj pramysłovaści, transpartna-łahistyčnaj vobłaści i ahrapramysłovym kompleksie. Taksama kiraŭniki abmianialisia mierkavańniami pa aktualnych pytańniach mižnarodnaha paradku dnia, uklučajučy situacyju na paŭdniovym uschodzie Ukrainy i chod realizacyi Minskich damoŭlenaściej.
Na pašyranym pasiadžeńni Parašenka padkreśliŭ, što vysokaje značeńnie dla ŭkrainskaha naroda maje prychilnaść Kazachstana da fundamientalnych pryncypaŭ mižnarodnaha prava, pavahi suvierenitetu, terytaryjalnaj cełasnaści ŭ ramkach mižnarodna pryznanych miežaŭ.
«My vysoka cenim pryncypovuju pazicyju Kazachstana. (…) Mnie pryjemna było pačuć padčas vašaha vystupu ŭ AAN zhadvańnie Ukrainy i ćviorduju pryncypovuju pazicyju Kazachstana», - dadaŭ prezident Ukrainy.
Ciapier čytajuć
Maniekien dziaŭčynki na vakzale ŭ Minsku napałochaŭ i naśmiašyŭ sacsietki5
Kamientary