Za 2025 hod u Biełarusi, pavodle dadzienych Biełstata, padčas palavańnia było zabita 88 zubroŭ. Pry hetym kolkaść hetych upalavanych žyvioł raście štohod paśla 2021 hoda, kali palavańnie na ich dazvolili. Za apošnija piać hadoŭ kolkaść zabitych zubroŭ prykładna padvoiłasia, piša vydańnie «Biełorusy i rynok».
Taksama ŭ krainie raście palavańnie i na inšych kapytnych žyvioł — aleniaŭ, łasioŭ i kazul. Heta źviazvajuć z tym, što ich usio bolš razvodziać u palaŭničych haspadarkach.
Asobna zhadvajecca palavańnie na dzika, jakoje padtrymlivajecca dziaržavaj u ramkach sanitarnaj palityki praź sistemu vypłat. Kolkaść adstrełu hetaha vidu žyvioł mocna vahałasia ŭ apošnija hady, ale ŭ 2025 hodzie znoŭ vyrasła.
Taksama ŭ Biełarusi taksama vielmi vysoki ŭzrovień adstrełu vaŭkoŭ — faktyčna amal roŭny ich ahulnaj kolkaści. U toj ža čas aleniaŭ adstrelvajecca kala 18% ad ich kolkaści.
Paralelna z hetym pavialičvajecca płošča palaŭničych uhodździaŭ, jakaja ŭ 2025 hodzie skłała 17,3 miljona hiektaraŭ. Najbolš ich u Viciebskaj i Minskaj abłaściach.
Dachody palaŭničych haspadarak u 2025 hodzie skłali 52,6 miljona rubloŭ, asnoŭnaja častka jakich prypadaje na prodaž puciovak i dazvołaŭ na palavańnie.
Kamientary