Kandrusievič: Pakul nieviadoma, chto źmienić Hudžeroci na pasadzie nuncyja ŭ Biełarusi
Rymska-katalickaja carkva ŭ Biełarusi pakul nie viedaje, chto źmienić apostalskaha nuncyja arcybiskupa Kłaŭdya Hudžeroci, jaki zaviaršaje svajo słužeńnie ŭ krainie ŭ suviazi ź pieravodam va Ukrainu. Pra heta siońnia zajaviŭ žurnalistam na pieradkaladnaj pres-kanfierencyi mitrapalit Minska-Mahiloŭskaj archidyjacezii Rymska-katalickaj carkvy arcybiskup Tadevuš Kandrusievič.
«Naprykład, źmiena nuncyja ŭ Litvie ŭ minułym hodzie praciahvałasia paŭhoda. Tamu ničoha nie viedaju. Heta moža być i 16 śniežnia, paśla adjezdu arcybiskupa, a moža być i paźniej. Ale my molimsia, kab novy nuncyj byŭ takim ža aktyŭnym», — skazaŭ Tadevuš Kandrusievič.
Mitrapalit nahadaŭ, što arcybiskup Kłaŭdya Hudžeroćci pryznačany apostalskim nuncyjem va Ukrainie. «Minskija pahadnieńni dali impuls u vyrašeńni prablem va Ukrainie. Da poŭnaha ich rašeńnia jašče daloka, ale, jak havorycca ŭ prykazcy, lepš drenny mir, čym dobraja vajna. Moža, heta i simvalična, što biełaruski nuncyj jedzie ŭ Kijeŭ. My viedajem, jakaja tam situacyja. Ale tam taksama jość vierniki», — zaŭvažyŭ jon.
Taksama, pavodle jaho słoŭ, pakul niama nijakich dadzienych ab pryjeździe Papy ŭ Biełaruś. «Pakul niama nijakich źviestak, my jašče ničoha nie viedajem», - skazaŭ Tadevuš Kandrusievič.
Kamientary