MUS Biełarusi nakiravała ŭ SK materyjały nakont 12 udzielnikaŭ bajoŭ na Danbasie z abodvuch bakoŭ
Ministerstva ŭnutranych spraŭ Biełarusi nakiravała ŭ Śledčy kamitet materyjały ŭ dačynieńni da 12 mierkavanych udzielnikaŭ bajavych dziejańniaŭ na Danbasie, paviedamiŭ žurnalistam u aŭtorak u Minsku kiraŭnik MUS Biełarusi Ihar Šunievič.
«Jość materyjały pravierak, jany nakiravany ŭ Śledčy kamitet. Ahulny śpis mierkavanych udzielnikaŭ bajavych dziejańniaŭ (hramadzian Biełarusi) — bolš za 100, materyjały ŭ Śledčy kamitet nakiravanyja ŭ dačynieńni da 12», — skazaŭ Šunievič.
Ministr padkreśliŭ, što hramadzianie, u dačynieńni da jakich materyjały nakiravanyja ŭ Śledčy kamitet, padazrajucca va ŭdziele bajavych dziejańniaŭ na abodvuch bakach kanfliktu na Danbasie. «Z abodvuch bakoŭ. U nas absalutna niepraduziataje staŭleńnie», — adznačyŭ Šunievič.
Jon rastłumačyŭ, što Śledčy kamitet u svaju čarhu prymie rašeńnie ab zaviadzieńni kryminalnych spraŭ. «Śledčy kamitet abo znojdzie padstavy dla zaviadzieńnia kryminalnych spraŭ, pa materyjałach našych pravierak padstavy ŭžo jość, albo admović u zaviadzieńni kryminalnych spraŭ. U lubym vypadku, rašeńnie budzie prymać śledčy», — skazaŭ na zakančeńnie ministr.
Kamientary