U Ministerstvie ekanomiki novy hałoŭny pa pradprymalnikach
Siońnia Alaksandr Łukašenka ŭzhadniŭ pryznačeńnie Piatra Arušańjanca dyrektaram Departamienta pa pradprymalnictvu Ministerstva ekanomiki. Adznačajecca, što pryznačeńnie časovaje, pakul papiaredniaja kiraŭnička Iryna Babačonak znachodzicca ŭ dekretnym adpačynku.
Piatro Arušańjanc apošnim časam vykonvaŭ abaviazki dyrektara Departamienta pradprymalnictva.
Lidar pradprymalnickaj arhanizacyi «Pierśpiektyva» Anatol Šumčanka miarkuje, što heta čysta techničnaje pryznačeńnie. «Piatro Barysavič Arušańjanc – samy adkryty i dastupny siarod čynoŭnikaŭ, što adkazvajuć za pradprymalnikaŭ. Nikoli niama pytańniaŭ, kab damovicca ź im na sustreču. Arušańjanc nie pabajaŭsia pryjści na naš forum 1 lutaha ŭ haścinicu «Piekin» i vystupić tam pierad 3 tysiačami čałaviek. Ja daŭno viedaju hetaha čałavieka, jaho dumki i nastroi, jak i jon maje. Naŭrad ci niešta pamianiajecca ŭ dziaržaŭnaj palitycy ŭ dačynieńni da pradprymalnikaŭ», — ličyć Anatol Šumčanka.
Kamientary