Sinoptyk Dźmitryj Rabaŭ u efiry telekanała ANT raskazaŭ, jakim budzie nadvorje ŭ Biełarusi z 17 pa 23 žniŭnia.
Pavodle słoŭ sinoptyka, siaredzina žniŭnia jašče zastaniecca davoli ciopłaj, adnak unačy i ranicaj užo budzie adčuvacca nabližeńnie rańniaj vosieni. U cełym tempieratura čakajecca kala klimatyčnaj normy dla hetaha pieryjadu. Pry hetym na praciahu tydnia nadvorje buduć pieryjadyčna ŭskładniać atmaśfiernyja franty.
U paniadziełak, 17 žniŭnia, na Biełaruś budzie ŭpłyvać chałodny atmaśfierny front z paŭnočnaha zachadu Jeŭropy. Čakajecca vobłačnaje nadvorje z prajaśnieńniami, u bolšaści rajonaŭ paŭnočna-zachodniaj častki krainy projduć daždžy. Miescami mahčymy słaby tuman. Viecier paŭnočna-zachodni. Unačy tempieratura składzie +12…+17 hradusaŭ. Dniom budzie ad +19 hradusaŭ na paŭnočnym zachadzie da +32 hradusaŭ na paŭdniovym uschodzie Homielskaj vobłaści.
U aŭtorak, 18 žniŭnia, atmaśfierny front budzie ŭpłyvać pieravažna na ŭschod Biełarusi. Tam mahčymyja karotkačasovyja daždžy i navalnicy. Bolšaja častka krainy zastaniecca pad upłyvam antycykłonu. Budzie vobłačna z prajaśnieńniami, viecier zachodni i paŭnočna-zachodni, padčas navalnic — paryvisty. Unačy +10…+15 hradusaŭ, dniom — ad +17 hradusaŭ u Viciebskaj vobłaści da +22 hradusaŭ u Bresckaj.
U sieradu, 19 žniŭnia, Biełaruś apyniecca pad upłyvam vobłaści vysokaha atmaśfiernaha cisku, jakaja adsunie zonu apadkaŭ na ŭschod. Pieravažna biez daždžoŭ, miescami mahčymy słaby tuman. Viecier paŭnočna-zachodni, dniom časam paryvisty. Unačy +9…+14 hradusaŭ, dniom +18…+23.
U čaćvier, 20 žniŭnia, nadvorje pačnie vyznačać atłantyčny cykłon z centram nad krainami Bałtyi. Čakajecca vobłačnaje nadvorje, u bolšaści rajonaŭ projduć daždžy. Viecier paŭdniova-zachodni. Unačy +9…+14 hradusaŭ, dniom — ad +20 hradusaŭ u Viciebskaj vobłaści da +25 hradusaŭ u Bresckaj i Homielskaj abłaściach.
U piatnicu, 21 žniŭnia, karotkačasovyja daždžy roznaj intensiŭnaści projduć u mnohich rajonach krainy. Viecier paŭdniova-zachodni, časam paryvisty. Nočču budzie +10…+15 hradusaŭ, dniom — ad +19 hradusaŭ na poŭnačy da +24 hradusaŭ na poŭdni.
Na vychadnych nadvorje krychu palepšycca dziakujučy vobłaści vysokaha atmaśfiernaha cisku, jakaja budzie farmiravacca pad upłyvam paŭdniovaj Jeŭropy.
U subotu, 22 žniŭnia, čakajecca pieramiennaja vobłačnaść. Miescami mahčymyja karotkačasovyja daždžy. Viecier paŭdniovy. Unačy +9…+14 hradusaŭ, dniom — ad +19 hradusaŭ u Viciebskaj vobłaści da +25 hradusaŭ na poŭdni Bresckaj vobłaści.
U niadzielu, 23 žniŭnia, budzie vobłačna z prajaśnieńniami. Miescami projduć daždžy, mahčymyja navalnicy. Viecier paŭnočna-zachodni. Unačy +9…+14 hradusaŭ, dniom tempieratura składzie +18…+23 hradusy, a na poŭdni Homielskaj i Bresckaj abłaściej pavietra moža prahrecca da +25.
Kamientary