Pinhvin štohod viartajecca da brazilca, jaki vyratavaŭ jamu žyćcio VIDEA
Pinhvin kožny hod viartajecca da brazilca, jaki vyratavaŭ jamu žyćcio
U 2011 hodzie 71-hadovy brazilec Žuan Pierejra de Soŭza z Rya-de-Žaniejra znajšoŭ na ŭźbiarežžy akijana pamirajučaha mahiełanava pinhvina. Źniasilenaja ptuška nie mahła pierasoŭvacca, a jaje piory byli zabrudžanyja naftaj.
Brazilec zabraŭ pinhvina dadomu, vymyŭ jaho i vychadziŭ. Paśla taho, jak ptuška — jaje nazvali Dzimdzinam — ačomałasia, Pierejra de Souza chacieŭ adpuścić jaje nazad, ale jana praviała z vyratavalnikam jašče 11 miesiacaŭ. Paśla źmieny apiareńnia pinhvin źnik, a praź niekalki miesiacaŭ znoŭ viarnuŭsia da svajho vyrataŭnika.
Kožny hod u červieni pinhvin prypłyvaje da svajho siabry i žyvie ź im da lutaha. Pa słovach Žuana, pinhvin z kožnym hodam stanovicca bolš łaskavym i ščaśliviejšym pry sustrečy.
Bijołah, jaki braŭ intervju ŭ Pierejra de Soŭzy dla Globo TV, adznačyŭ, što Žuan ličyć Dzimdzina častkaj svajoj siamji. Pinhvin dumaje hetak ža - pry sustrečy z Žuan jon vilaje chvastom i piščyć ad zachapleńnia. Brazilec kaža, što ŭ ich ź Dzimdzinam asablivyja adnosiny, raz jon pakidaje tysiaču inšych pinhvinaŭ i prypłyvaje da jaho na praciahły termin. «Ja lublu pinhvina, jak ŭłasnaje dzicia, i liču, što pinhvin lubić mianie», - skazaŭ jon u intervju.
Jak miarkujecca, pinhvin spłyvaje ad Žuana ŭ miesca pražyvańnia jaho astatnich surodzičaŭ - na ŭźbiarežža Patahonii (Arhiencina). Mahiełanskija pinhviny žyvuć 25 hadoŭ i viadomyja svajoj viernaściu - jany zastajucca z adnym i tym ža partnioram da samaj śmierci.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami49
Kamientary