Aficyjnyja vyniki «Jeŭrabačańnia-2016» vyhladajuć nastupnym čynam:
1. Ukraina — 534 bały.
2. Aŭstralija — 511 bałaŭ.
3. Rasija — 491 bał.
4. Bałharyja — 307 bałaŭ.
5. Šviecyja — 261 bał.
Z tablicy moža skłaścisia ŭražańnie, što baraćba pamiž tryma pryziorami išła da apošniaj chviliny. Intryhu ŭdałosia padtrymać dziakujučy novaj sistemie padliku hałasoŭ.
Spačatku nazyvalisia vyniki hałasavańnia prafiesijnych žury (tut pieramahła Aŭstralija), a paśla — vyniki hladackaha hałasavańnia (pieršynstvo za Rasijaj). U vyniku ž pieramahła Ukraina. Takaja sistema padliku — novaŭviadzieńnie sioletniaha konkursu.
I heta dało padstavy telekanału «Rasija-1» uźniać isteryčny verchał: maŭlaŭ, u rasijskaha śpievaka skrali pieramohu.
«Naša Niva» nie palenavałasia i padličyła, jakim byŭ by vynik «Jeŭrabačańnia», kali b zastavałasia raniejšaja sistema padliku.
Nahadajem, raniej u kožnaj krainy sumiravalisia vyniki hałasavańnia žury i hledačoŭ u praporcyi 50/50.
Pry raniejšaj sistemie padliku trojka pieramožcaŭ vyhladała b nastupnym čynam:
1. Aŭstralija — 323 bały.
2. Ukraina — 273 bały.
3. Rasija — 232 bały.
Pieramožcam «Jeŭrabačańnia» ŭ takim razie stała b Aŭstralija, pryčym z davoli vialikim adryvam. A voś Rasija b nie mahła nijak pretendavać na pieršynstvo.
* * *
Jakija krainy byli b u «hrupie padtrymki» favarytaŭ i vystavili b im vynikovyja 12 bałaŭ?
Za Aŭstraliju pa raniejšaj sistemie padliku prahałasavali b Ałbanija, Charvatyja, Danija, Vienhryja, Isłandyja, Narviehija, Šviecyja i Niderłandy.
Ukrainu padtrymali b Hruzija, Italija, Łatvija, Małdova, Polšča, San-Maryna, Sierbija i Słavienija.
A Rasii addali b maksimalny bał Azierbajdžan, Biełaruś, Hrecyja, Kipr i Čarnahoryja.
Kamientary