Афіцыйныя вынікі «Еўрабачання-2016» выглядаюць наступным чынам:
1. Украіна — 534 балы.
2. Аўстралія — 511 балаў.
3. Расія — 491 бал.
4. Балгарыя — 307 балаў.
5. Швецыя — 261 бал.
З табліцы можа скласціся ўражанне, што барацьба паміж трыма прызёрамі ішла да апошняй хвіліны. Інтрыгу ўдалося падтрымаць дзякуючы новай сістэме падліку галасоў.
Спачатку называліся вынікі галасавання прафесійных журы (тут перамагла Аўстралія), а пасля — вынікі глядацкага галасавання (першынство за Расіяй). У выніку ж перамагла Украіна. Такая сістэма падліку — новаўвядзенне сёлетняга конкурсу.
І гэта дало падставы тэлеканалу «Расія-1» узняць істэрычны вэрхал: маўляў, у расійскага спевака скралі перамогу.
«Наша Ніва» не паленавалася і падлічыла, якім быў бы вынік «Еўрабачання», калі б заставалася ранейшая сістэма падліку.
Нагадаем, раней у кожнай краіны суміраваліся вынікі галасавання журы і гледачоў у прапорцыі 50/50.
Пры ранейшай сістэме падліку тройка пераможцаў выглядала б наступным чынам:
1. Аўстралія — 323 балы.
2. Украіна — 273 балы.
3. Расія — 232 балы.
Пераможцам «Еўрабачання» ў такім разе стала б Аўстралія, прычым з даволі вялікім адрывам. А вось Расія б не магла ніяк прэтэндаваць на першынство.
* * *
Якія краіны былі б у «групе падтрымкі» фаварытаў і выставілі б ім выніковыя 12 балаў?
За Аўстралію па ранейшай сістэме падліку прагаласавалі б Албанія, Харватыя, Данія, Венгрыя, Ісландыя, Нарвегія, Швецыя і Нідэрланды.
Украіну падтрымалі б Грузія, Італія, Латвія, Малдова, Польшча, Сан-Марына, Сербія і Славенія.
А Расіі аддалі б максімальны бал Азербайджан, Беларусь, Грэцыя, Кіпр і Чарнагорыя.
Цяпер чытаюць
«Знік без звестак» вельмі малады беларускі наёмнік5
«Знік без звестак» вельмі малады беларускі наёмнік
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары