Daśledčyki z Hanovierskaha ŭniviersiteta pradstavili pratatyp robata, jaki adčuvaje bol, paviedamlaje N+1.
Raspracoŭščyki ličać, što robaty, jakija adčuvajuć bol, zmohuć chutka reahavać na patencyjna niebiaśpiečnuju dla ich situacyju i takim čynam minimizavać škodu nie tolki dla inšych, ale i dla samich siabie. Prapanavanaja daśledčykami sistema dapamoža robatam kłasifikavać rozny bol pa stupieni niebiaśpieki dla ŭłasnych miechanizmaŭ i elektroniki i reahavać na jaho pa-roznamu.
Dla demanstracyi svajoj raspracoŭki daśledčyki abstalavali pramysłovy manipulatar Kuka datčykam BioTac, jaki imituje padušačku palca. Datčyk moža vyznačać siłu nacisku i tempieraturu, a ałharytm, jaki kiruje pavodzinami robata, vyrašaje na padstavie pakazańniaŭ datčyka, jaki mienavita bol adčuvaje robat.
Kali bol słaby, to manipulatar starajecca płaŭna adyści ad kantaktu z razdražnialnikam, pryčym čym macniejšy bol, tym bolš rezka i chutka robat reahuje na jaho.
Taksama robat umieje vyznačać pahrozu ŭmoŭnaha apioku i sychodzić, naprykład, ad kantaktu z zanadta haračymi abjektami.
Sistemy praduchileńnia sutyknieńniaŭ ź pieraškodami abo ludźmi ŭ robatatechnicy prymianiajucca dosyć daŭno, adnak z-za ich robatam davodzicca sychodzić ad kantaktu, navat kali jaho nie budzie škody.
Kamientary