Čatyry čałavieki zahinuli, u tym liku — dzicia, u DTZ, jakoje adbyłosia 10 žniŭnia na trasie R254 «Irtyš» u Karhackim rajonie Novasibirskaj vobłaści. Pra heta raspaviali va UDZIBDR pa Novasibirskaj vobłaści.
Žudasnaha avaryja adbyłasia kala 10.40 na 1298-m km trasy. Pavodle papiarednich dadzienych, 58-hadovy kiroŭca Citrojen Xsara Picasso ruchaŭsia z boku Omska ŭ kirunku Novasibirska, vyjechaŭ na pałasu sustrečnaha ruchu i ŭrezaŭsia ŭ furu Volvo.
U vyniku DTZ kiroŭca Citroen, a taksama troje jaho pasažyraŭ — 54-hadovaja žančyna, 32-hadovy mužčyna i 9-hadovy chłopčyk — ad atrymanych traŭmaŭ pamierli na miescy zdareńnia. Kiroŭca fury nie paciarpieŭ.
— Na Citroen — biełaruskija numary. Kiroŭca i 2 darosłyja pasažyry — siamja: muž, žonka i syn. 9-hadovy chłopčyk, miarkujučy pa ŭsim, ich blizki svajak. Muž, žonka i dzicia žyli ŭ vioscy Jundziły Pružanskaha rajona Bresckaj vobłaści na adnoj vulicy, 31-hadovy mužčyna žyŭ u Breście, — raspaviali ŭ DZIBDR.
Pa słovach 47-hadovaha kiroŭcy fury, jon ubačyŭ, jak aŭtamabil vyjazdžaje na sustrečnuju pałasu, pačaŭ sihnalić, užyŭ miery ekstranaha tarmažeńnia i pasprabavaŭ nie dapuścić sutyknieńnia.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku23
Kamientary