Rep-vykanaŭca Siaroha paviedamiŭ pra miniravańnie samalota rejsa Maskva—Minsk, bo spaźniŭsia na pasadku. Pra heta paviedamiła rasijskim ŚMI krynica ŭ pravaachoŭnych orhanach rasijskaj stalicy.
U metach biaśpieki i nieskažonaha cytavańnia słoŭ, rep-vykanaŭca ŭ svaim fejsbuku vykłaŭ videa razmovy z žurnalistami, dzie ź jahonych słoŭ vynikaje, što Siaroha ŭsio ž byŭ zatrymany supracoŭnikami pravaachoŭnych orhanaŭ:
«Prašu prabačeńnia za toje, što ja spaźniajusia. Mianie kličuć Palihraf Šarykaŭ. Pierad tym, jak ja štości skažu, u mianie jość pytańnie da tych, chto sabraŭsia tut, asabliva pradstaŭnikoŭ drukavanych ŚMI. Kali vy narešcie navučyciesia pisać majo imia pravilna? Repier Siaroha pišacca tak: repier, łacinskimi litarami Seryoga. Mienavita tak i nijak inakš.
My sabralisia z vami tut nakont šumu ładnaha, jaki stvaryŭsia vakoł majoj ścipłaj piersony siońnia. Nie mahu skazać, što patrebny taki pijar, chacia kažuć što pijar lišnim nie byvaje.
Addaju sabie naležnaje ŭ tym, što navat paśla taho, jak ja vypuściŭ skandalny klip «Kakava biełaha koleru» i moj apošni klip «Hielik Vani», jaki sabraŭ za miesiac bolš za try miljony prahladaŭ abo kala taho, sapraŭdy, ja nie adčuvaŭ da svajoj piersony stolki cikavaści z boku presy, jak za siońniašni dzień. Tamu dziakuj vam.
Akramia hetaha, ja chacieŭ padziakavać pravaachoŭnym orhanam za toje, što apieratyŭna razabralisia ŭ situacyi, dziakujučy čamu ja ciapier staju pierad vami, maje ruki volnyja, na ich nie zamknulisia bliskučyja branzalety z chałodnaha mietału. Heta ŭsio, što ja chacieŭ skazać vam siońnia. Dobraha viečara».
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ15
Kamientary