«17 listapada Kamitet pastajannych pradstaŭnikoŭ krain-členaŭ pry Saviecie ES pryniaŭ rašeńnie ab pieramoŭnaj pazicyi adnosna vizavaj libieralizacyi z Ukrainaj… Saviet pryniaŭ da ŭvahi mierkavańnie, što nabyćcio vizavaj libieralizacyi dla Ukrainy maje adbycca adnačasova z ustupleńniem u siłu novaha miechanizmu prypynieńnia (biaźvizavych režymaŭ dla ŭsich trecich krain — red.)», — zajavili ŭłasnamu karespandentu Ukrinfarma ŭ Bruseli ŭ kirujučym instytucie Jeŭrasajuza.
U toj ža čas hałoŭnaj palityčnaj umovaj dla zaviaršeńnia hetaha pracesu pavinna być pryniaćcie, u pieršuju čarhu, novaha tak zvanaha achoŭnaha miechanizmu adnosna prypynieńnia biaźvizavych režymaŭ z usimi trecimi krainami.
Na bazie hetaha mandata staršynstva Słavakii ŭ saviecie ES pačnie pieramovy ź Jeŭraparłamientam ab admienie vizavych patrabavańniaŭ dla ŭkraincaŭ.
«Dajučy siońnia «zialonaje śviatło» pieramovam, prymajučy pad uvahu, što ŭsie patrabavańni vykanany, Saviet ES paćvierdziŭ svaje abaviazacielstvy adnosna biaźvizavych padarožžaŭ dla hramadzian Ukrainy», — adznačyŭ pastajanny pradstaŭnik Słavakii pry Saviecie ES.
Jon taksama adznačyŭ, što heta budzie stanoŭčym sihnałam pierad praviadzieńniem Samita ES—Ukraina 24 listapada ŭ Brusieli.
Raniej paviedamlałasia ab pieraściarohach jeŭrapiejskich krain u suviazi z pradastaŭleńniem hramadzianam Hruzii, Ukrainy i Kosava mahčymaści biaźvizavaha ŭjezdu ŭ krainy Šenhienskaj zony ŭ suviazi z prablemaj arhanizavanaj złačynnaści ŭ hetych krainach. Rašeńniem mahčymych prablem moža stać uviadzieńnie papraŭki ŭ zakanadaŭstva ES, jakaja praduhledžvaje śpiecyjalnyja vypadki prypynieńnia dziejańnia biaźvizavaha režymu.
Ciapier čytajuć
Stali viadomyja padrabiaznaści pra trahiedyju ŭ Połackim manastyry13
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary