Pieršyja žančyny skončyli kurs maładoha bajca marskoj piachoty ZŠA
Try žančyny pastupili na słužbu ŭ bajavy bataljon marskoj piachoty ZŠA, adkryvajučy novuju staronku ŭ historyi samaj mahutnaj i mabilnaj bajavoj siły na Ziamli, piša americanmilitarynews.com.
Heta pieršyja žančyny ŭ marskoj piachocie, jakija buduć vajavać niepasredna na pieradavoj — u jakaści strałka, kulamiotčyka i minamiotčyka.
Usiaho 31 žančyna padpisała kantrakty na słužbu ŭ piachotnych padraździaleńniach KMP paśla taho, jak ministr abarony ZŠA Eš Karter adkryŭ dla «słaboha połu» raniej zakrytyja funkcyi ŭ naziemnych vojskach.
Žančyny, jakija chočuć słužyć u piachocie, pavinny prajści ahulny dla ŭsich test na fizičnuju padrychtoŭku jašče pierad kursam maładoha bajca - bieh na 2,7 km za 13 chvilin 30 siekund, try padciahvańni, 44 praktykavańnia na pres za 2 chviliny, 45 padjomaŭ skryni z bojeprypasami za 2 chviliny.
Intehracyja žančyn u armiju była adnoj z hałoŭnych metaŭ administracyi prezidenta Baraka Abamy.
Adnak mnohija ekśpierty, u tym liku ŭ Izraili, źviartajuć uvahu na niepraktyčnaść vykarystańnia žančyn u aktyŭna vajujučaj piachocie, tankavych vojskach i artyleryi, dzie bolš lohki i mienš tryvały žanočy arhanizm značna čaściej atrymlivaje traŭmy.
«Zhodna z hetymi daśledavańniami, siaredni rost žančyn na 12 sm nižejšy čym u mužčyn, siaredniaja vaha na 10 kh mienšaja, myšačnaja masa na 20 kh mienšaja… U siarednim žančyny ŭ try razy čaściej pakutujuć na asteaparoz», — adznačaje izrailski aficer rezervu i vajskovy ekśpiert David Hiendelman.
U mai 2015 hoda Armija abarony Izraila, dzie šmat hod isnuje pryzyŭ dla žančyn, vyrašyła nie adkryvać dla žančyn pasady tankistaŭ, paličyŭšy heta niepraktyčnym va ŭmovach vialikich nahruzak i patreby doŭhi čas suisnavać razam z mužčynami ŭ palavych umovach.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie6
Kamientary