Niderłandy stvarajuć hłabalny fond dla padtrymki dastupnaści abortaŭ dla žančyn. Heta adkaz na zabaronu Trampam fiederalnaha finansavańnia dla mižnarodnych arhanizacyj, što dapamahajuć žančynam rabić aborty.
Pra heta zajaviŭ pres-sakratar Ministerstva zamiežnych spraŭ Niderłandaŭ u sieradu.
Inicyjatyvu padtrymajuć niekatoryja inšyja krainy Jeŭrasajuza, adznačyŭ jon.
U paniadziełak Tramp padpisaŭ dakumient, jaki zabaraniaje vydzialeńnie srodkaŭ zamiežnym niedziaržaŭnym arhanizacyjam, jakija abo akazvajuć pasłuhi abortaŭ u svaich špitalach, abo rajać aborty jak mietad płanavańnia siamji.
Niderłandskaje zakanadaŭstva ab siamji i repraduktyŭnym zdaroŭi — adno z samych libieralnych u śviecie.
Ź inicyjatyvaj pra padtrymku abortaŭ za miažoj vystupiła Partyja pracy — levacentrysckaja partyja z uradavaj kaalicyi Niderłandaŭ.
«Kali prymajucca rašeńni, kiepskija dla žančyn u krainach Treciaha śvietu, my pavinny tym kabietam dapamahčy», — skazała kiraŭnica Partyi pracy.
Respublikanskija administracyi ŭ ZŠA ad 1984 hoda pieryjadyčna prymajuć antyabortnyja zachady, a demakratyčnyja ich admianiajuć.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary