Prezident ZŠA Donald Tramp nazvaŭ kiraŭnika Paŭnočnaj Karei Kim Čen Yna varjatam, jakomu niama spravy da pakutaŭ svajho naroda, piša VVS.
Raniej lidar KNDR zajaviŭ u zvarocie pa dziaržaŭnym telebačańni, što pramova Trampa ŭ Hienasamblei AAN ujaŭlała ź siabie «šyzafreničny prypadak».
«Zvarjaciełaha amierykanskaha dziadka abaviazkova, napeŭna budu ŭtajmoŭvać ahniom!» — adznačyŭ u svajoj pramovie Kim.
«Kim Čen Yn z Paŭnočnaj Karei — vidavočna, varjat, jakomu niama spravy da hoładu i zabojstvaŭ svajho naroda — źviedaje takoje vyprabavańnie, jakoha jašče nie było!» — napisaŭ Tramp u tvitary ŭ adkaz na hetyja kamientary.
Svarka pamiž dvuma lidarami ŭžo pryciahnuła ŭvahu Kitaja. Pradstaŭnik MZS KNR Łu Kanh zaklikaŭ usie baki «prajavić strymanaść, a nie pravakavać adzin adnaho».
«Zajavy i pavodziny Paŭnočnaj Karei ŭjaŭlajuć niebiaśpieku dla rehijanalnaj i mižnarodnaj biaśpieki, i jany absalutna niedapuščalnyja», — zajaviŭ hałoŭny sakratar kabinieta ministraŭ Japonii Josichide Suha.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach21
Kamientary