Pra heta zajaviŭ Alaksandr Łukašenka na naradzie ŭ Žytkavickim rajvykankamie.
«Hladzicie, kab my nie stracili toje, što majem. I ŭsio zaraz heta zaležyć ad nas. My možam zrabić svaju krainu nie prosta na słovach kvitniejučaj, a kvitniejučym krajem. Tolki treba hałavu na plačach trymać», — padkreśliŭ kiraŭnik dziaržavy.
«Nie budzie dyscypliny, budziecie šukać abjektyŭnyja pryčyny, pracy nie atrymajecca. Chopić chadzić i nyć, što my čahości nie možam. Budziem nyć da taho času, pakul ci nie pierakulić, jak u Armienii ci va Ukrainie, ci ŭvohule na kavałki razarvuć.
Budzie jak u 1993—1994 hadach, kali vy tut Paleskuju respubliku chacieli stvaryć. Pahatoŭ, što palešuki nie durnyja ludzi», — adznačyŭ Łukašenka.
Jon źviarnuŭ asablivuju ŭvahu na pytańnie piśmiennaha padboru kadraŭ i padtrymańnia vysokaj vykanalnickaj dyscypliny. «Dumajcie ŭsiudy. Šalonych hrošaj niama i nie budzie. Ja da taho, što nie kažycie, što ŭ nas durnyja ci jašče niejkija ludzi i ŭ nas nie chapaje kadraŭ. Usiaho ŭ nas chapaje», — padkreśliŭ biełaruski kiraŭnik.
Kamientary