Ministr sielskaj haspadarki i charčavańnia Biełarusi Leanid Zajac zajaviŭ, što nazirajecca praduziataje staŭleńnie śpiecyjalistaŭ Raśsielhasnahlada da biełaruskich pradpryjemstvaŭ, adznačaje «RIA Novosti».
«My bačym, što idzie praduziataje staŭleńnie z boku Raśsielhasnahlada da našych pradpryjemstvaŭ. Idzie nieabhruntavanaje abvinavačvańnie z boku śpiecyjalistaŭ Raśsielhasnahlada, heta prajaŭlajecca na (prykładzie) małočnych pradpryjemstvaŭ, pradpryjemstvaŭ ptuškahadoŭli…
Ja skazaŭ by navat, što, moža być, i padtasoŭvajucca vyniki łabaratornych daśledavańniaŭ», — skazaŭ Zajac u intervju telekanału ANT, jakoje było pakazana ŭ niadzielu.
U suviazi z hetym jon zajaviŭ, što biełaruskamu boku «treba metanakiravana, bolš naporysta pracavać pa abaronie svaich intaresaŭ», być bolš aktyŭnym i «adpracoŭvać ŭzajemadziejańnie z rasijskim bokam».
Pavodle jaho słoŭ, padčas jaho vizitu ŭ Maskvu ŭ kancy hetaha tydnia z rasijskimi kalehami adbyŭsia kanstruktyŭny dyjałoh, byli adpracavanyja punkty «darožnaj karty» dla źniaćcia abmiežavańniaŭ u dačynieńni da biełaruskaj pradukcyi.
Adkazvajučy na pytańnie ab mahčymaści paŭtareńnia situacyj z abmiežavańniami biełaruskaj pradukcyi ŭ budučyni, ministr adznačyŭ, što «za apošni čas šmat takich prykładaŭ, kali damaŭlalisia, ale nie vykonvajucca damovy z rasijskaha boku».
Raśsielhasnahlad z 6 červienia ŭvioŭ časovyja abmiežavańni na pastaŭki ŭ Rasiju ź Biełarusi małaka i niekatorych vidaŭ małočnaj pradukcyi ŭ spažyvieckaj tary abjomam bolšym za 2,5 litra.
U subotu pres-sakratar Raśsielhasnahlada Julija Miełano pa vynikach narady pamiž bakami paviedamiła, što profilnyja viedamstvy dźviuch krain padpisali «darožnuju kartu» pa pracedury likvidacyi ŭzajemnych abmiežavańniaŭ pa pastaŭkach małočnaj pradukcyi. Paźniej było paviedamlena, što Raśsielhasnahlad z 11 červienia zdymaje abmiežavańni na pastaŭki małočnaj pradukcyi ŭ RF z troch biełaruskich pradpryjemstvaŭ.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA18
Kamientary