Sudmiedekśpiert ab śmierci Koržyča: nadta mudrahielistyja abstaviny, heta byŭ suicyd
8 kastryčnika praciahnuŭsia sud pa spravie ab śmierci sałdata Alaksandra Koržyča. Na pasiadžeńni vystupiŭ miedycynski ekśpiert. Padrabiaznaści pryvodzić partał tut.by.
Ekśpiert — Valery Čučko, vykładčyk kafiedry sudmiedekśpiertyzy BDMU.
Cieła Koržyča znajšli ŭ padvale, sa źviazanymi rukami i nahami. Na hałavie była majka. Hetyja abstaviny niaredka vyklikali padazreńni nakont taho, što chłopiec nie sam paviesiŭsia. Maŭlaŭ, nadta składana dla samahubstva.
Ale Čučko paviedamiŭ, što niama ničoha dziŭnaha ŭ situacyi, kali samahubca źviazvaje sabie ruki i nohi. Pa jaho słovach, mudrahielistaść abstavinaŭ naadvarot, paćviardžaje viersiju ab suicydzie. Majka, nadzietaja na hałavu, taksama paćviardžaje heta. Maŭlaŭ, niaredka samahubcy štości padkładvajuć pad piatlu, kab paźbiehnuć bolu.
Ale raniej inšym śpiecyjalistam ahučvałasia inšaja viersija.
«Pa słovach śledčaha, Koržyč rasšpiliŭ kiciel, źniaŭ majku, zašpiliŭ kiciel, zaviazaŭ šnurki i nadzieŭ na hałavu majku. Dla taho kab paviesicca, zanadta šmat dziejańniaŭ», — kazała ŭ sudzie psichijatr vajennaha špitala Nina Bubienčyk, jakaja pastaviła Koržyču dyjahnaz «zdarovy».
Nahadajem, abvinavačanyja — troje maładych chłopcaŭ: Jaŭhien Baranoŭski, Anton Viaževič i Jahor Skuratovič. Usie jany byli siaržantami ŭ častcy, dzie słužyŭ Alaksandr Koržyč. Ich sudziać za złoŭžyvańnie ŭładaj, chabar i kradziež. Siaržanty ździekavalisia z sałdat, adbirali hrošy. Paciarpiełych pa spravie bolš za 50 čałaviek.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach21
Kamientary