Tak zvanyja «internet-troli» z Rasiei buduć ŭmiešvacca ŭ vybarčuju kampaniju ŭ ZŠA ŭ 2020 hodzie, hetaksama jak jany heta rabili ŭ 2016 hodzie, adnak źmieniać svaju taktyku. Pra heta piša ahienctva Bloomberg,spasyłajučysia na amerykanskich ekspertaŭ pa kiberbiaśpiecy, jakija vyvučajuć pavodziny «trolaŭ» u sacyjalnych sietkach.
Pa ich dadzienych, rasiejskija «troli», jakija vykarystoŭvajuć fejkavyja ulikovyja zapisy ŭ sacyjalnych sietkach, nia buduć, jak raniej, sami stvarać kantent i prasoŭvać jaho siarod amerykanskich karystalnikaŭ sacsietak, a zamiest hetaha jany zojmucca padtrymkaj publikacyj realna isnujučych ludziej, u jakich buduć vyjaŭlacca ekstremisckija pohlady
Takija kampanii, jak Facebook i Twitter, pryniali šerah zachadaŭ pa baraćbie z vykarystańniem fejkavych akaŭntaŭ i zamaskavanaj pad pasty «zvyčajnych» karystalnikaŭ palityčnaj reklamy. Novaja taktyka rasiejskich «trolaŭ», vidavočna, maje na mecie abyści hetyja abmiežavańni.
Dyrektar FBR Krystafer Rej raniej na hetym tydni zajaviŭ, što sacsietki zastajucca hałoŭnym srodkam uździejańnia z-za miažy na vybary ŭ ZŠA.
Pavodle acenak, rasiejskija «troli», u tym liku źviazanyja ź pieciarburhskim Ahienctvam internet-daśledavańniaŭ, pierad vybarami 2016 hoda stvaryli tysiačy fejkavych akaŭntaŭ i dziasiatki hrup u Fejsbuku, praź jakija raźmiaščalisia pasty z raznastajnymi zaklikami i navat arhanizoŭvalisia publičnyja akcyi. Z publikacyjami rasiejskich «trolaŭ» tak ci inakš sutyknulisia miljony amerykanskich karystalnikaŭ Fejsbuku.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca13
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary