U noč na subotu ŭ Vilni ŭ studenckim haradku zahinuła 19-hadovaja dziaŭčyna, piša Delfi. Heta hramadzianka Biełarusi, jakaja vučyłasia ŭ Litvie ŭ EHU i žyła ŭ studenckim internacie. Univiersitet paviedamlaje, što havorka idzie pra studentku 2 kursa prahramy «Miedyja i kamunikacyja» Viktoryju Hrynkievič.
Palicyja paviedamlaje, što 18 maja, u 0.45 u Vilni, na alei Saŭlaciakio, kala doma znajšli cieła dziaŭčyny.
Padazrajuć, što jana vypała z bałkona na 10-m paviersie. Jość mierkavańnie, što 19-hadovaja dziaŭčyna sprabavała zabracca na kraj bałkona, straciła raŭnavahu i zvaliłasia.
Vidavočcy raspaviali, što heta nie samahubstva. Pa ich słovach, jana vyrašyła pakazać svaju śmiełaść, ustała na taburetku — ź jaje na kraj bałkona, adnak nie ŭtrymałasia i ŭpała.
Vyśvietliłasia, što pierad hetym dziaŭčyna piła vino.
Kali na miesca zdareńnia pryjechali lekary, serca dziaŭčyny jašče biłasia. Paŭhadziny lekary zmahalisia za jaje žyćcio, ale marna.
Abstaviny zdareńnia vyśviatlajucca.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary