Tajamničaja spadčyna brazilskaha «Horadu bliźniukoŭ»

Historyk, daśledčyk žyćcia tych nacystaŭ, jakija pa vajnie ŭciakli ŭ Łacinskuju Amieryku, ličyć, što Jozef Menhale, navukoviec, što ŭ Trecim Tejchu namahaŭsia stvaryć hienietyčna čystuju rasu, adkazny za nievarahodnuju kolkaść siniavokich bliźniukoŭ ź bialavymi vałasami ŭ adnym z haradoŭ Brazilii.

Ci ž «nacyscki anioł śmierci», čałaviek jaki pravodziŭ hienietyčnyja eksprymienty na ludziach ŭ Aśviencimie, praciahvaŭ svaje vopyty i ŭ Brazilii? Arhientynski historyk Chorchie Kamarasa pierakanany, što tak.

U śviecie na kožnyja 80 zvyčajnych rodaŭ u siarednim prychodzicca 1 vypadak, kali rodziacca bliźniuki, ale ŭ brazilskim haradku Kandyda Hadoj, što znachodzicca na miežy z Parahvajem i Arhientynaj i jaki jašče daŭniej achryścili «Krajem bliźniukoŭ», fiksujecca niezvyčajnaja praporcyja: piać da adnaho. To bok u kožnaj piataj paradzichi rodzicca dvojnia. U dadatak bolšaść z tamtejšych dvajniataŭ majuć sinija vočy i bialavyja vałasy.

Menhale, jaki ŭciok u Arhientynu jašče padčas vajny, śpiarša pracavaŭ na tamtejšych fiermach. U suviazi z pajmom izrailskim «Masadam» inšaha nacysckaha złačynca, Adolfa Ejchmana, Jozaf vyrašyŭ pierabracca ŭ zacišny Parahvaj. Adtul jon čaściakom naviedvaŭ niamieckuju hramadu ŭ susiedniaj Brazilii. Ź śviedčańniaŭ žycharoŭ, napačatku 60‑ch hadoŭ Menhale (ci čałaviek vielmi padobny da jaho) šmat razoŭ pryjaždžaŭ u Kandyda Hadoj. Śpiarša jon pradstaviŭ siabie jak vieterynar, a potym adrekamiendavaŭsia hiniekołaham.

«Ja pierakanany, što Kandyda Hadoj była jaho (Jozefa Menhale) čarhovaj łabaratoryjaj, dzie jamu ŭdałosia spraŭdzić svaju mroju — vyvieści čystuju rasu siniavokich błandynaŭ, bo nieŭzabavie paśla jahonych adviedzinaŭ u haradku pačali spres radzicca bialavyja bliźniuki,» — śćviardžaje historyk.

U svajoj knizie «Anioł śmierci ŭ Paŭnočnaj Amierycy» Chorchie Kamarasa davodzić, što Menhiele skurpulozna sočyŭ za praciakańniem ciažarnaści ŭ paradzich, staranna lačyŭ ich roznymi miedyčnymi preparatami. U hutarkach ź ludźmi časta havaryŭ pra štučnaje asiemianieńnie.

Tajamničym doktaram zacikaviłasia i byłaja mer horadu, lekarka z adukacyi, Anensija Fłores da Silva, jakaja apytała, musić, sotniu čałaviek, vyśvietliŭšy, što u haradok nibyta pa spravach šmatkroć pryzdžaŭ čałaviek ź imiem Rudolf Vajs. «Jon byŭ niešta naštałt miascovaha lekara, jaki jeździć ad chaty da chaty. Nichto dakładna nie pamiatiataje, kali Vajs pačaŭ pryjaždžać, ale pieršyja bliźniaty naradzilisia ŭ 1963 hodzie, to bok jakraz u toj hod, kali my majem dakładnaje śviedčańnie pra jahony pryjezd», — skazała mer horadu.

• 0
• 0
• 0
• 0
• 0
• 0
• 0
• 0