Pamier zołatavalutnych reziervaŭ, naprykład, čakaŭsia na kaniec 2008 hodu na ŭzroŭni $5,5 młrd, atrymali ž tolki 3 miljardy.
Pamier zołatavalutnych reziervaŭ, naprykład, čakaŭsia na kaniec 2008 hodu na ŭzroŭni $5,5 młrd, atrymali ž tolki 3 miljardy.
Zhodna z asnoŭnymi nakirunkami hrašova‑kredytnaj palityki na 2008 hod rost vałavoha ŭnutranaha praduktu pavinien byŭ skłaści 11%. Pa vynikach hodu hety pakazčyk apynuŭsia na 1% mienšym - i jon jašče moža być pierahledžany ŭ bok źmianšeńnia paśla taho jak buduć dakładna viadomyja vyniki pracy sielskaj haspadarki ŭ 4-m kvartale.
Zołatavalutnyja reziervy (ZVR) krainy na kaniec hodu pavodle nacyjanalnaj mietodyki prahnazavalisia na ŭzroŭni $5,5 młrd. Suśvietny finansavy kryzis parušyŭ hetyja prahnozy — pa standartach MVF na 1 studzienia 2009 hoda ZVR skłali $3061,1 młn.
Admoŭnaje salda zamiežnaha handlu prahnazavałasia ŭ pamiery ‑$1,4 młrd, adnak pa stanie na listapad 2008 hodu jaho pamier dasiahnuŭ amal 4 miljardaŭ. Mienavita nieabchodnaściu ratavańnia ajčynnych eksparcioraŭ abhruntavali ŭłady nadzvyčaj niepapularnuju mieru — adnarazovuju devalvacyju rubla, praviedzienuju akurat na navahodnija śviaty.
Inflacyja płanavałasia ŭ miežach 6‑8%, adnak pa vynikach minułaha hodu jaje pamier bolš čym udvaja pieravysiŭ minimalny prahnazavany pakazčyk — 13,3%.
Staŭka refinansavańnia 17 śniežnia 2008 hodu ŭźniałasia da 12%, a z pačatku 2009 hodu da 14% suprać prahnazavanych 7‑9%.
Takim čynam Nacbank sprabavaŭ ažyvić zacikaŭlenaść nasielnictva da bankaŭskich depazitaŭ. Z hetaj ža pryčyny vyraśli i staŭki hadavych pa terminovych układach. Zhodna płanaŭ pamier pracentnych stavak pa kredytach dla niefinansavaha siektara musili skłaści 10‑12% hadavych. Vyjšła ž tak, što pracentnyja staŭki pa kredytach na nieruchomaść vyraśli ŭ siarednim da 20-25%, na nabyćcio aŭto — da 30%. Varta adznačyć, što bolšaść biełaruskich bankaŭ prypynili na niapeŭny čas vydaču kredytaŭ.
Ciapier čytajuć
Stali viadomyja padrabiaznaści pra trahiedyju ŭ Połackim manastyry9
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary