«Susiedzi» adkryli ŭ Minsku pieršyja biełaruskamoŭnyja kasy samaabsłuhoŭvańnia
Sietka kramaŭ «Susiedzi» adkryła ŭ HC «Ryha» čatyry kasy samaabsłuhoŭvańnia. «Bystrokassy» dazvalajuć apłacić usie tavary samastojna i mohuć «razmaŭlać» z pakupnikom na ruskaj, anhlijskaj i biełaruskaj movach.
Na biełaruskuju movu byŭ pierakładzieny jak uvieś interfiejs, tak i najmieńni tavaraŭ z katałoha. Pracujuć takija kasy kruhłasutačna, jak i sama krama.
Karystacca kasaj vielmi prosta, dastatkova prytrymlivacca instrukcyj na ekranie. Pa dośviedzie zamiežnych sietak, u kasy samaabsłuhoŭvańnia ŭbudavany hałasavy pamočnik z pryjemnym žanočym hołasam, jaki spraščaje «znosiny» z terminałam. Bolšaść tavaraŭ treba tolki padnieści da skaniera, a vypiečku — abrać pa malunku ŭ mieniu. Padobnaja łohika dziejničaje z vahavymi praduktami: kładziecie na płatformu i znachodzicie tavar u katałohu. Kali ŭźnikajuć składanaści z pošukam tavaru abo apłataj, možna paprasić dapamohi ŭ kansultanta.
Kasy samaabsłuhoŭvańnia «Susiedziaŭ» całkam intehravanyja z bonusnaj prahramaj «Kupiłka»: možna nazapašvać i śpisvać bonusy, atrymlivać usie dziejnyja pryvilei. Apłacić kuplu na kasie samaabsłuhoŭvańnia možna luboj bankaŭskaj kartkaj. Taksama možna raźličycca smartfonam abo «razumnym» hadzińnikam.
Kasy samaabsłuhoŭvańnia pakul pracujuć u HC «Ryha». Kali piłotny prajekt akažacca paśpiachovym, takija ž terminały źjaviacca i ŭ inšych kramach pa ŭsioj krainie.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary