Łukašenka pra pieranos ČIE pa bijatłonie ŭ Biełaruś: U finansavym staŭleńni akuplalna, ale nie heta hałoŭna
Biełaruś atrymaje finansavuju vyhadu ad praviadzieńnia čempijanatu Jeŭropy pa bijatłonie, jaki sioleta ŭ śpiešnym paradku pieranieśli z Estonii praz adsutnaść śniehu. Adnak nie heta hałoŭnaje, zajaviŭ Alaksandr Łukašenka, naviedvajučy siońnia spartkompleks «Raŭbičy», pieradaje BIEŁTA.
«Jany [mižnarodny sajuz bijatłanistaŭ IBU] apłačvajuć całkam našu padrychtoŭku [da praviadzieńnia spabornictvaŭ]. Ja ŭžo nie liču, što pryjeduć siudy tysiačy čałaviek, jakija buduć charčavacca, žyć — i ŭ Minsku, i tut, jak heta było ŭ minułyja hady. Tamu ŭ finansavym staŭleńni heta akuplajecca praktyčna ŭsie, i ź vialikim prybytkam», — skazaŭ kiraŭnik dziaržavy.
Razam z tym biełaruski kiraŭnik padkreśliŭ, što dla jaho hałoŭnaje navat nie finansavy aśpiekt. «Hałoŭnaje — zajava kiraŭnika IBU, što za toje, što vy nas padtrymali, vyratavali, ułasna kažučy, my padumajem ab tym, kab u najbližejšy čas pieradać u «Raŭbičy» etap Kubka śvietu — užo viadučych, samych topavych spartsmienaŭ», — adznačyŭ Alaksandr Łukašenka.
Jak paviedamlałasia BIEŁTA, čempijanat Jeŭropy pa bijatłonie — 2020 pieraniesieny z Otepia (Estonija) u «Raŭbičy».
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads13
Kamientary