Hramadskuju aktyvistku, fielčarku «chutkaj dapamohi» Alenu Davydavu — jana padavała dakumienty na rehistracyju inicyjatyŭnaj hrupy na vybary — zatrymali 3 lipienia prykładna ŭ 11:50. Śviedkaj zatrymańnia staŭ jaje siabar Kanstancin, jaki raspavioŭ «Svabodzie» akaličnaści.
«Alena išła adna, jana žyvie ŭ Navabielicy. Za joj išli dvoje «nie pa formie» ad jaje doma, troje milicyjantaŭ padjechali na słužbovym aŭtamabili, jašče dvoje nie ŭ formie padyšli i z užyvańniem siły zatrymali Alenu», — raspavioŭ Kanstancin.
U sacyjalnych sietkach raspaŭsiudžvałasia infarmacyja pra toje, što siońnia ŭ Homieli a 12-j hadzinie płanavałasia pravieści akcyju salidarnaści na centralnym plažy.
Aktyvisty raniej paviedamlali, što kala ich damoŭ dziažurać supracoŭniki ŭ cyvilnym. Prynamsi, šeraja «Łada» stajała kala doma Juryja Ułasava, jaki za padtrymku Siarhieja Cichanoŭskaha adsiedzieŭ 45 sutak zapar u izalatary.

Kamientary