Biełaruskaja ambasada ŭ Maskvie ŭstrymałasia ad namieru abaraniać pravy zatrymanych suajčyńnikaŭ.
Biełaruskaja ambasada ŭ Maskvie ŭstrymałasia ad namieru abaraniać pravy zatrymanych suajčyńnikaŭ.
Aktyvisty ŁHBT-ruchu (ruch za pravy seksualnych i hiendernych mienšaściaŭ) ź Biełarusi byli zatrymannyja siońnia 16 traŭnia ŭ Maskvie na Vierabjovych horach, paviedamlaje BiełaPAN. Maskoŭskaja milicyja zatrymała bolš za 30 udzielnikaŭ niesankcyjanavanaha haradskimi ŭładami «Słavianskaha hiej-paradu», siarod ich – 11 hramadzianaŭ Biełarusi, jašče dvoje zatrymanych majuć vid na žycharstva ŭ Biełarusi. Pavodle słovaŭ suarhanizatara akcyi ź biełaruskaha boku Siarhieja Androsienki, akcyja praciahvałasia nie bolš za 10 chvilinaŭ, u časie jakoj biełarusy razharnuli bieł-čyrvona-bieły i čyrvona-zialony ściahi dy raściažku «Raŭnapraŭje biez kampramisaŭ».
Zatrymanych biełarusaŭ advieźli ŭ pastarunak, adkul jany źviazalisia z ambasadaj Biełarusi ŭ Maskvie, adnak atrymali admovu dapamahčy, pakolki akcyja nie była sankcyjanavanaja hradskimi ŭładami Maskvy. Tolki paśla abiacańnia źviarnucca da presy, u pasolstvie nibyta pahadzilisia pryjechać da zatrymanych.
Maskoŭskija ŭłady zahadzia papiaredzili arhanizataraŭ paradu, što nie dapuściać jaho praviadzieńnia, kiraŭnictva haradskoj milicyi zajaviła, što meta takich akcyj – nie abarona pravoŭ mienšaściaŭ, a pravakacyja biesparadkaŭ.
Razhon hiej-paradu ŭ Maskvie pryciahnuŭ uvahu jeŭrapiejskich ŚMI, ale ni «Gazeta Wyborcza», ni «Euronews» ni słovam nie adhuknulisia pra «biełaruski desant» na Vierabjovych harach.
Razhon akcyi ŭ Maskvie moža mieć praciah užo siońnia ŭviečary. U piatnicu pradstaŭniki Hałandyi na «Jeŭrabačańni» pryhrazili bajkatavać finał konkursu, kali parad u Maskvie budzie razahnany milicyjaj.
Ciapier čytajuć
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna66
Kamientary