U Rasii pratest vyrvaŭsia ŭ rehijony — hałoŭnaje za 23 studzienia
— Nikoli raniej pratesty ŭ rehijonach nie byli takimi masavymi, jak 23 studzienia. U Nižnim na vulicu vyjšli 10 tysiač čałaviek, u Jekaciarynburhu, Uładzivastoku, Irkucku i jašče sotni abłasnych haradoŭ — dzie tysiačy, dzie sotni.
— Palicyja zatrymlivała ludziej za sam fakt vychadu na vulicy. Kolkaść zatrymanych pieravysiła 3000 čałaviek.
— Pratesty byli mirnymi.
— Štaby Navalnaha zaklikajuć da vychadu na vulicy i ŭ nastupnyja vychodnyja.
— U mnohich haradach ludzi prychodzili ŭ tym liku ź biełaruskimi ściahami, niby pierajmajučy estafietu. U Piciery narod pa-biełarusku skandavaŭ «Dałučajsia!».
— Kolkaść pratestoŭcaŭ u pravincyi aznačaje, što infarmacyja pra karupcyju, raspaŭsiudžanaja Navalnym, vyciekła za miežy stalicy. Apazicyja ŭ Rasii vyjšła za miežy Maskvy i Piciera, ułady zrabili staŭku na padaŭleńnie.
— Ludzi vyjšli biez łozunhaŭ i amal bieź ściahoŭ — taki kantrast z nacyjanalna afarbavanym pratestam u Biełarusi. Ale i pakazčyk taho, nakolki zadušanaja hramadzianskaja supolnaść u carstvie Pucina.
— Kali bačyš 5-tysiačny marš u Jekaciarynburhu pry 28-hradusnym marozie, dzie ludzi vymušany iści moŭčki, kab nie zastudzić horła, razumieješ, što Pucin nie zmoža heta ihnaravać. Imavierna, ułady Rasii buduć vymušanyja bolš tracić na sacyjalnyja patreby i pavyšać zarobki. Nie vyklučana, što ŭ najbližejšyja hady Rasija budzie bolš zaniataja svaimi ŭnutranymi prablemami, čym jana była ŭ 2010-ch.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca10
Kamientary