Biełsat daje parady amataram chutkich hrošaj.
Na hetym tydni biełarusam vyhadna było ŭkładać źbieražeńni ŭ rasiejskija rubli, polskija złotyja, akcyi farmaceŭtyčnaha chołdynhu Roche (vytvorcy pryščepak ad hrypa). Pa vynikach virtualnaha inviestavanny prahramy «Asabisty kapitał», jakaja vychodzić na telekanale Biełsat, mienavita hetyja aktyvy prynieśli najbolšuju dachodnaść.
Kožny tydzień ekśpiert prahramy Sierž Naŭrodski, kiraŭnik centra sacyjalnych dy ekanamičnych daśledvańniaŭ u Biełarusi (CASE ), układaje virtualnyja hrošy i analizuje nakolki ŭdałym było čarhovaje inviestavańnie. Cikavaść u tym, što prapanavać svaju schiemu ŭkładańnia hrošaj moža luby hledač Biełsata. Hetak, na minułym tydni častku virtualnaha pakieta prahrama zainviestavała ŭ biełaruskija ablihacyi. Heta była prapanova hledača Alaksandra z Homiela, jakuju jon dasłau na elektronnuju skryniu prahramy: «Ŭ časy kryzisu lepiej trymać hrošy ŭ nadziejnych instrumientach, takich jak ablihacyi. Ci ŭ Biełarusi možna nabyć nadziejnyja ablihacyi?», - zapytaŭsia Ajaksandr.
«Za tydzień ahulnaja vartaść našaha pakietu vyrasła na 2 młn 222 tys. rubleu! Heta rekordny zarobak u našaj prahramie, jak dahetul, - padvodzić vynik ekśpiert prahramy. - 16 ablihacyjaŭ «Biełarusbanku» ŭ biełaruskich rublach prynieśli za tydzień 25 tys rubleŭ. Niašmat, zatoje ŭpeniena. Rekardsmien tydnia — polski złoty, jen dadaŭ da vartaści ažno 1młn 300tys rubleŭ! Na plusie apynuli i inšyja składniki našaha pakietu: rasiejskia rubli, akcyi i depazyt u biełaruskich rublach».
Polski złoty, jak prahnazavaŭ ekśpiert prahramy, prynies dobry prybytak. Ale ŭ bližejšy čas, pa mierkavańniu Sierža Naŭrodskaha, jaho kurs budzie vahacca, tamu varta pazbavicca ad hetaj valuty ŭ nastupnaj prahramie, źniaŭšy ź jaje dobryja viarški.
Vy taksama možacie pakidać svaje prapanovy pa inviestavańniu ŭ kamientarach da hetaha artykuła albo dasyłać na forum dy elektronnuju skryniu prahramy «Asabisty kapitał» [email protected]
Pahladzieć vypusk prahramy «Kišenia» možna tut:
Kamientary