U Bresckaj abłasnoj biblijatecy imia M.Horkaha 10 červienia adbyłasia prezientacyja zbornika «Brest u 1919—1939 hady. Dakumienty i materyjały».
U jaho ŭklučana 187 archiŭnych dakumientaŭ, jakija raskazvajuć pra žyćcio Bresta ŭ pieryjad pamiž dźviuma suśvietnymi vojnami.
Usiaho dla padrychtoŭki vydańnia vykarystana bolš za 500 dakumientaŭ ź dziaržaŭnaha archiva Bresckaj vobłaści. Siarod ich spravazdačy, pratakoły, zajavy, abjavy, raparty, statystyčnyja danyja, daniasieńni. U vydańni ŭ jakaści ilustracyjnaha materyjału raźmieščany afišy, abjavy, płan horada i fatahrafii. Amal usie hetyja dakumienty publikujucca ŭpieršyniu. Zbornik padrychtavany supracoŭnikami dziaržaŭnaha archiva Bresckaj vobłaści pry ŭdziele vykładčykaŭ histaryčnaha fakulteta Bresckaha dziaržaŭnaha univiersiteta im. A.Puškina.
«Pracujučy nad vydańniem, my stavili svajoj metaj prailustravać, vykarystoŭvajučy archiŭnyja materyjały, usie baki žyćcia Bresta za hetyja dva dziesiacihodździ, — skazała na prezientacyi dyrektar archiva Bresckaj vobłaści Hanna Karapuzava.
— U tym liku, pakazać dziejnaść orhanaŭ kiravańnia, miascovaha samakiravańnia i palicyi, demahrafičnuju situacyju, raźvićcio ekanomiki, achovy zdaroŭja, adukacyi, kulturnaje žyćcio, a taksama stanovišča ŭ horadzie ŭ pieršyja dni Druhoj suśvietnaj vajny. Usio heta adlustroŭvajecca ŭ vaśmi tematyčnych raździełach zbornika».
Na prezientacyi adznačałasia, što taki zbornik padrychtavany i vydany ŭpieršyniu za amal 70‑hadovuju historyju archiva Bresckaj vobłaści. Pryčym heta pieršaje ŭ respublicy vydańnie, pryśviečanaje asobnamu rehijonu, i jano ŭžo vyklikała cikavaść nie tolki ŭ śpiecyjalistaŭ. Na mierapryjemstvie prahučała, što ŭžo razhladajecca pytańnie ab dadatkovym vydańni zbornika dla jaho realizacyi ŭ kniharniach.
Kniha vydana pry finansavaj padtrymcy Bresckaha abłvykankama i vyjšła ŭ bresckim vydaviectvie «Alternatyva» nakładam 314 asobnikaŭ, jakija płanujecca pieradać u muziei i biblijateki abłasnoha centra, archivy inšych rehijonaŭ respubliki.
«Adnoj z asnoŭnych vartaściaŭ hetaha vydańnia źjaŭlajecca niepalityzavanaść. Padziei ŭ im padajucca praz dakumienty, jakija supravadžajuć peŭnyja kamientary»,
— skazaŭ u intervju BiełaPAN viadomy brescki žurnalist, aŭtar dakumientalnaj tryłohii pra Brest «U pošukach zhublenaha času» Vasil Saryčaŭ.
Dadamo, što paśla realizacyi hetaha prajekta archivisty razam z historykami płanujuć padrychtavać sieryju zbornikaŭ dakumientaŭ, pryśviečanych historyi Bresta ŭ roznyja pieryjady. U pryvatnaści, Brest u 1939—1941 hady, Brest u hady akupacyi (1941—1944).
Kamientary