Pikiety ŭ Polščy i Litvie na miažy ź Biełaruśsiu — što tam adbyvajecca?
Mitynhi biełaruskich emihrantaŭ kala pamiežnych punktaŭ z polskaha i litoŭskaha boku pačalisia jašče niekalki dzion tamu. Tady ludzi vystavili namioty. Ahučvałasia, što kali ciaham troch dzion biełaruskija ŭłady nie adkryjuć miežy dla naziemnaha vyjezdu hramadzian Biełarusi, to pikietoŭcy zabłakujuć darohi. Miežy, jak bačym, pakul nie adkryli. Tamu pikietoŭcy pierajšli da dziejańniaŭ.
Z polskaha boku punktu propusku «Babroŭniki-Bierastavica» sabrałosia niekalki dziasiatkaŭ čałaviek, paviedamlaje partał Hrodna.life.
Jany razharnuli bieła-čyrvona-biełyja ściahi, uźniali płakaty. Paśla pačali chadzić tudy-siudy pa piešachodnym pierachodzie, błakujučy ruch, ale ź pierapynkami. Takim čynam, kiroŭcy ŭsio ž prajazdžali.
Pikietoŭcy arhanizavali i pres-kanfierencyju, na jakoj vystupiŭ Pavieł Łatuška. Jon raspavioŭ, što praz pradstaŭnika pamiežnaj słužby Polščy pieradaŭ patrabavańni ad udzielnikaŭ akcyi da biełaruskaha boku: skasavać abmiežavańni na pierasiačeńnie dziaržaŭnaj miažy Biełarusi. Raniej Łatuška adznačaŭ, što druhaja meta hetaj akcyi pratestu — skazać Brusielu, što chopić słoŭ «zakłapočanaści», «hłybokaj zakłapočanaści» i «vielmi hłybokaj zakłapočanaści».
Za hetym nazirała polskaja palicyja, ale ŭ padziei nie ŭmiešvałasia, bo akcyja była ŭzhodnienaja z uładami.
Jak paviedamlaje «Biełsat», padobnaja akcyja prajšła i na litoŭskaj miažy, pobač z punktam propusku «Miadzininkaj — Kamienny Łoh».
Udzielniki akcyi chacieli błakavać ruch, adnak zrabić heta nie dazvoliła palicyja.
Miežy Biełarusi zakrytyja na vyjezd pa ziamli z 21 śniežnia 2020 hoda. Pa aficyjnaj viersii — z nahody karanavirusa. Hramadzianie Biełarusi dla vyjezdu za miažu naziemnym transpartam pavinny mieć pracoŭnyja damovy ci peŭnyja pryčyny (padrabiaźniej tut). Pry hetym na vylet ź Biełarusi hetyja patrabavańni nie raspaŭsiudžvajucca.
-
Kamandujučy VPS: Kolkaść zamiežnych vojskaŭ la miežaŭ Biełarusi źmienšyłasia, z krainami NATA idzie ŭzajemadziejańnie
-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
U harach Kyrhyzstana z drona adšukali cieły źnikłych biełaruskich alpinistaŭ7
Kamientary