Ciońnia padstavaj dla vyzvaleńnia ad metavaha nakiravańnia moža być «praktyčna tolki invalidnaść baćkoŭ ci samoha vypusknika».
Metavuju padrychtoŭku ŭ VNU Biełarusi ŭ takim vyhladzie, u jakim jana isnuje, naležała b admianić.
Takoje mierkavańnie vykazaŭ rektar Biełaruskaha dziaržaŭnaha miedycynskaha univiersiteta Pavieł Biespalčuk 16 lipienia na pres‑kanfierencyi ŭ Minsku.
Pavodle jaho słoŭ, niahledziačy na toje, što pałažeńnie ab metavaj padrychtoŭcy štohod udaskanalvajecca, jano da hetaj pary nie praduhledžvaje šerah «žyćciovych niuansaŭ».
Naprykład, siońnia padstavaj dla vyzvaleńnia ad metavaha nakiravańnia moža być «praktyčna tolki invalidnaść baćkoŭ ci samoha vypusknika».
Adnak niaredkija vypadki, kali pryčyna źjaŭlajecca nie mienš važkaj: naprykład, dva studenty z metavymi nakiravańniami ŭziali šlub.
Akramia taho, adznačyŭ Biespalčuk, abituryjenty z metavym nakiravańniem niaredka adroźnivajucca ad svaich sakurśnikaŭ nižejšym uzroŭniem viedaŭ.
Časta jany nie majuć nieabchodnaj dla navučańnia bazy i ŭ dalejšym ich adličvajuć pa niepaśpiachovaści.
Jak vynik — «davoli vialikaja kolkaść miescaŭ prapadaje».
Rektar taksama ličyć, što tyja, chto pastupili pa metavym nakiravańni, nie pavinny navučacca za košt srodkaŭ respublikanskaha biudžetu, ich navučańnie metazhodna apłačvać ź biudžetaŭ zacikaŭlenych abłaściej.
Alternatyvaj metavaj padrychtoŭcy Biespalčuk nazvaŭ sistemu, pryniatuju va ŭpraŭleńni pa achovie zdaroŭja Minskaj vobłaści i ŭpieršyniu aprabavanuju ŭ Salihorsku. T
am sabrali śpis tych, chto pravučyŭsia hod na płatnym adździaleńni ŭ miedycynskim univiersitecie, i prapanavali apłacić astatnija hady navučańnia ŭ abmien na zaklučeńnie damovy ab pracaŭładkavańni.
Jak paviedamiŭ namieśnik načalnika ŭpraŭleńnia kadravaj palityki ustanovaŭ adukacyi i źniešnich suviaziaŭ Ministerstva achovy zdaroŭja Vasil Fiłaniuk, sioleta na ŭmovach metavaj padrychtoŭki ŭ miedycynskija VNU Biełarusi płanujecca pryniać 530 čałaviek, što składaje piatuju častku ad usich pieršakurśnikaŭ, jakija buduć navučacca za košt srodkaŭ biudžetu. U adpaviednaści ź niadaŭnim ukazam prezidenta termin adpracoŭki dla ich pavialičany da 5 hadoŭ.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca13
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary