Paśla 15 sutak nie vyjšaŭ na volu elektramancior z Navapołacka Alaksiej Ściapanaŭ
U piatnicu nie vyjšaŭ na volu dziažurny elektramancior i staršynia supołki niezaležnaha prafsajuza cecha 200 zavoda «Palimir» Alaksiej Ściapanaŭ.

28 kastryčnika sudździa Zinaida Bałabołava aryštavała mužčynu pa art. 19.11 KaAP na 15 sutak za repost u sacsietkach u 2019 hodzie materyjałaŭ, jakija ciapier pryznanyja ekstremisckimi. Alaksieja zatrymali adrazu paśla suda. Pakarańnie jon adbyvaŭ u połackim IČU.
Ale paśla 15-sutačnaha aryštu jaho tak i nie vypuścili na volu. Viadoma, što nad Ściapanavym adbyŭsia novy sud. Adnak da mužčyny ŭ połacki IČU nie puskajuć advakata pa pryčynie epidemijałahičnaj abstanoŭki, paviedamlajuć pravaabaroncy.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Kamientary