«Na žal, nie ŭsie viedajuć pryncypy pracy dziaržaŭnych finansaŭ, tamu słova deficyt biudžetu hučyć žachliva. Značyć, niešta zdarycca. Dy absalutna nie», zajaviŭ premjer-ministr Raman Hałoŭčanka ŭ efiry «Biełaruś-1», piša BiełTA.
«Mnohija krainy nie toje, što hadami, a dziesiacihodździami žyvuć va ŭmovach biudžetnaha deficytu i žyvuć dosyć niadrenna. Złučanyja Štaty Amieryki majuć samy vialiki deficytny biudžet. Tamu ŭ vypadkach, kali dziaržaŭnyja vydatki pieravyšajuć raźlikovyja dachody — zakładvajecca biudžetny deficyt.
Čamu minuły hod, biahučy i budučy płanujucca z deficytam? Bo, što ŭ nas jość niepradbačanyja vydatki na padtrymku ekanomiki i nasielnictva va ŭmovach COVID-19 i sankcyj.
Značyć, na heta traciacca dadatkovyja hrašovyja srodki», - skazaŭ Raman Hałoŭčanka.
Taksama Hałoŭčanka skazaŭ, što sankcyi ŭ adkaz suprać krain Zachadu buduć ahučanyja ŭ najbližejšyja dni.
«Budziem vypracoŭvać rašeńni, jakija ŭ bližejšyja dni buduć ahučanyja, vidavočna, adrazu paśla vychadnych dzion. My ni na kaho nie napadali, ale raz užo suprać nas raźviazanaja ekanamičnaja vajna abo hibrydnaja vajna, viadoma, dziejańni nieŭzajemnymi nie zastanucca», - zajaviŭ jon.
Pavodle jaho słoŭ, Biełaruśsiu buduć pryniatyja «absalutna adekvatnyja miery».
«Heta tolki častka ź ich. My nie idziem na toje, kab zadziejničać uvieś arsienał. Choć adkazy napracavanyja i nastupnyja miery buduć nie asimietryčnyja, jak my kazali, a simietryčnyja», - dadaŭ jon.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA22
Kamientary